11:09, 08 - جەلتوقسان 2019 | GMT +6
ديماش قۇدايبەرگەن رەسەيدە «جىلدىڭ ەڭ ۇزدىك ءانشىسى» اتاندى
نۇر- سۇلتان. قازاقپارات - تانىمال ءانشى ديماش قۇدايبەرگەن رەسەيدە «جىلدىڭ ەڭ ۇزدىك ءانشىسى» اتاندى. بۇل تۋرالى ءانشى ءوزىنىڭ Instagram جەلىسىندەگى پاراقشاسىندا جازدى.
«قىمباتتى دوستار، سىزدەر ەكى كۇن بۇرىن رەسەيدىڭ ۇلتتىق مۋزىكالىق «ۆيكتوريا» سىيلىعىندا ەكى نوميناتسيانى جەڭىپ العانىمدى بىلەسىزدەر، مەن تاعى ءبىر قۋانىشپەن بولىسكىم كەلەدى، بۇگىن «جىل ءانى» سىيلىعىندا مەن رەسەيدەگى «جىلدىڭ ەڭ ۇزدىك ءانشىسى» دەگەن تاعى ءبىر ماراپاتقا يە بولدىم. بۇكىل الەمدەگى جانكۇيەرلەرگە جانە رەسەي حالقىنا راحمەت. مەن سىزدەردى جاقسى كورەمىن. جەڭىسىمدى بارشا قازاقستاندىقتاردىڭ جانە بارلىق dears# تاردىڭ قۇرمەتىنە ارنادىم»، - دەپ جازدى ديماش.
ايتا كەتەيىك، ديماش قۇدايبەرگەن رەسەيدىڭ «ۆيكتوريا» سىيلىعىندا ەكى نوميناتسيانى جەڭىپ العان بولاتىن.