15:36, 08 - جەلتوقسان 2019 | GMT +6
الماتىدا قاندالانى ۋلاپ قۇتىلماق بولعان وتباسى اۋرۋحانادان ءبىر- اق شىقتى
نۇر-سۇلتان. قازاقپارات - الماتىدا ۇيىندەگى قاندالانى دارىمەن ۋلاعان وتباسى مۇشەلەرى ءيىس ءتيىپ، اۋرۋحاناعا ءتۇستى، دەپ حابارلايدى قازاقپارات.
«1 - جەلتوقسان كۇنى قالالىق اۋرۋحاناعا 1952 -جىلى تۋعان ايەل مەن 1987 -جىلى تۋعان جىگىت جەتكىزىلدى. دياگنوزى - تىنىس جولدارىنىڭ جاندىكتەردى ولتىرەتىن حيميالىق قوسپادان ۋلانۋ. ۋىتتى ەنسەفالوپاتيا. قازىرگى تاڭدا پاتسيەنتتەر جەدەل جاردەم اۋرۋحاناسىنىڭ جانساقتاۋ بولىمىندە جاتىر. جاعدايلارى اۋىر. ءتيىستى ەم- شارا جۇرگىزىلۋدە»، - دەپ ءمالىم ەتتى الماتى قالاسى تاۋار ساپاسى مەن قاۋىپسىزدىگىن باقىلاۋ دەپارتامەنتى.
ايتۋلارىنشا، 30 - قاراشا كۇنى ولار بازاردان ساتىپ العان «Палач» اتتى قاندالا ۋلايتىن ينسەكتيتسيدتى پاتەرگە سەپكەن. قازىرگى تاڭدا دەپارتامەنت ءتيىستى ءىس- شارالاردى جۇرگىزىپ، اتالمىش زاتتى زەرتحانادا تەكسەرۋدەن وتكىزۋدە. كورشىلەردەن سۇراق- جاۋاپ الىندى. ولاردىڭ دەنساۋلىعىنا قاۋىپ ءتونىپ تۇرعان جوق.
www.24.kz