قازاقستاندا ىزدەۋدە بولعان قىلمىسكەردى نيۋ-يورك پوليتسياسى ۇستادى
ۆەدومستۆو تاراتقان اقپاراتقا سايكەس، ەلدە وتكىزىلگەن 5 كۇندىك وپەراتسيا ناتيجەسىندە ءتارتىپ ساقشىلارى نيۋ-يوركتە ەلدىڭ يمميگراتسيالىق زاڭدارىن بۇزعان 12 شەتەلدىك ازاماتتى ۇستاعان.
ولاردىڭ بارلىعى قاماۋعا الىندى.
سونىمەن قاتار، پوليتسيانىڭ حابارلاماسىندا ايتىلعانداي، تۇتقىندالعانداردىڭ ءبارى نيۋ-يوركتە ءوز ەلدەرىندەگى سوت تورەلىگىنەن جاسىرىنىپ جۇرگەن بولىپ شىقتى.
ۇستالعان ازاماتتاردىڭ ءبىرى قازاقستاننىڭ قۇقىق قورعاۋ ورگاندارى ىزدەگەن قىلمىسكەر ەكەنى انىقتالدى. 27 جاستاعى ەر ادام توناۋ قىلمىسى بويىنشا ءوز وتانىندا بەس جىلعا سوتتالىپتى.
سونىمەن قاتار، شەتەلدىك قاشقىندار تىزىمىندە رەسەي فەدەراتسياسى، مەكسيكا، جاپونيا، كولۋمبيا، چيلي جانە ارگەنتينا ەلىنىڭ ازاماتتارى بار.
ولاردىڭ بارلىعى قازىرگى ۋاقىتتا قاماۋدا وتىر. جاقىن كۇندەرى تۇتقىندالۋشىلارعا قاتىستى سوت تىڭدالىمى ءوتىپ، ولاردىڭ تاعدىرى شەشىلەتىن بولادى.