15:47, 09 - جەلتوقسان 2019 | GMT +6
الماتىدا ديزاين- كود بويىنشا سالىناتىن اجەتحانا ەسكيزدەرى ۇسىنىلدى
الماتى. قازاقپارات - الماتىدا جاڭا ەرەجە بويىنشا سالىناتىن اجەتحانانىڭ ەسكيزدەرى ۇسىنىلدى، دەپ حابارلايدى قازاقپارات ءتىلشىسى.
جوبالىق قۇجاتتا اجەتحانانىڭ ەكى نۇسقاسى كورسەتىلگەن: بىرىنشىسىندە - بيىكتىگى - 2800 سانتيمەتر. ەنى - 2700 سانتيمەتر. ۇزىندىعى - 6200 سانتيمەتر، ەكىنشىسىندە - 2800 سانتيمەتر. ەنى - 1850 سانتيمەتر. ۇزىندىعى - 5950 سانتيمەتر.
«بۇل جىلجىمالى اۆتوماتتاندىرىلعان پاۆيلوندارى بار اجەتحانالار. ولار ىرگەتاستى قاجەت ەتپەيدى جانە ەۋروپالىق تەحنولوگيا بويىنشا ساپالى ماتەريالداردى قولدانا وتىرىپ جاسالعان»، - دەلىنگەن قۇجاتتا.
سونىمەن قاتار، جوبا اۆتورلارى اجەتحانانىڭ تازالىعى ۇنەمى باقىلاۋدا بولاتىنىن اتاپ ءوتتى.
«اجەتحانا اۆتوماتتاندىرىلعان جۇيە بويىنشا جۇمىس ىستەيدى: ەسىگى جابىلعاننان كەيىن 15 مينۋت وتكەن سوڭ، ەسكەرتۋ دىبىستىق دابىل قاعىلىپ، اجەتحانا ەسىكتەرى اۆتوماتتى تۇردە اشىلادى»، - دەپ تولىقتىردى
اۆتور: الما مۇقانوۆا