ءۇندىستاننان شىققان كەدەي يمميگرانت اتاقتى كومپانيانىڭ باسشىلىعىنا قالاي كەلدى

None
None
نۇر- سۇلتان. قازاقپارات –  Google-دىڭ نەگىزىن سالۋشىلار لارري پەيدج بەن سەرگەي برين Alphabet كومپانياسىنداعى قىزمەتتەرىنەن كەتىپ، كومپانيانى Google-دىڭ باس ديرەكتورى سۋندار پيچاي باسقاراتىنى بەلگىلى بولدى.

 ونىڭ بۇرىنعى لاۋازىمى دا ساقتالادى.

 سۋندار پيچاي 1972 -جىلدىڭ 12 - شىلدەسىندە ءۇندىستاننىڭ چەنناي قالاسىندا كەدەي وتباسىندا دۇنيەگە كەلگەن. كەيىن ستەنفورد ۋنيۆەرسيتەتىنىڭ ستيپەندياسىن ۇتىپ الىپ، 1993 - جىلى ا ق ش- قا قونىس اۋدارعان. Google-گە 2004 -جىلى كەلگەن.

 سۋندار پيچايدىڭ Google-دەگى قاتارداعى جۇمىسكەرلىككە ۇمىتكەر رەتىندەگى اڭگىمەلەسۋى 2004 -جىلدىڭ 1 - ساۋىرىندە ءوتتى. ءدال وسى كەزدە كومپانيا Gmail-دى ىسكە قوسىپ جاتقان ەدى. جۇمىسقا قابىلدانعان سوڭ وعان ءدال وسى سەرۆيستى دامىتۋ تاپسىرىلادى.

 كەيىن Google-تۋلبارمەن اينالىسادى. كەيىن ول باسشىلىققا Google Chrome-دى جاساۋدى ۇسىنادى. باسىندا كومپانيا باسشىلارى بۇل يدەيانى قولدامايدى. الايدا سۋندار مەن 10 ينجەنەر Chrome-دى جاسىرىن جاساپ، باسشىلىققا ۇسىنادى. 2008 -جىلى  Google Chromeىسكە قوسىلادى. قازىرگى تاڭدا قولدانۋشىلاردىڭ 67 پايىزى ينتەرنەتكە وسى براۋزەرمەن كىرەدى.

 وسىدان كەيىن سۋنداردىڭ قىزمەتى وسە باستايدى. 2008 -جىلى ول ءونىم جاساۋ بويىنشا ۆيتسە- پرەزيدەنت، 2012 -جىلى Google Chrome مەن فيرمالىق قوسىمشالاردىڭ ۆيتسە- پرەزيدەنتى بولادى. كەيىن Android جۇيەسىن، Google Drive, Google Maps-تى دامىتۋمەن اينالىسادى. 2009 -جىلى Twitter ونى كومانداسىنا شاقىرادى، الايدا Google رەسمي ەمەس دەرەك بويىنشا 10-50 ميلليون ارالىعىنداعى دوللار تولەپ، قالدىرۋعا كوندىرگەن. 2014 -جىلى ونى Microsoft باس ديرەكتورلىققا شاقىرادى.

 2015 -جىلى Google-دىڭ نەگىزىن سالۋشىلار لارري پەيدج بەن سەرگەي برين Alphabet كومپانياسىن قۇرىپ، Google ونىڭ ەنشىلەس كومپانياسىنا اينالىپ، ونىڭ باس ديرەكتورلىعىنا سۋندار پيچاي بارادى. ەندى 47 جاستاعى سۋندار پيچاي Google-مەن قاتار Alphabet- ءتى دە باسقارادى.

 BAQ. KZ

 فوتو: اشىق دەرەككوز

سوڭعى جاڭالىقتار