توقايەۆ «قازاقستان ينجينيرينگكە» جۇرگىزىلگەن اۋديت قورىتىندىسى بويىنشا ءبىرقاتار تاپسىرما بەردى

مەملەكەت باسشىسىنا ەسەپ كوميتەتىنىڭ ءتوراعاسى ناتاليا گودۋنوۆا قورعانىس مينيسترلىگىنە، «قازاقستان ينجينيرينگ» ۇلتتىق كومپانياسى» اكسيونەرلىك قوعامىنا جانە «قاز ارناۋلى ەكسپورت» رەسپۋبليكالىق مەملەكەتتىك كاسىپورنىنا جۇرگىزىلگەن مەملەكەتتىك اۋديتتىڭ قورىتىندىسى تۋرالى باياندادى.

 «ەسەپ كوميتەتىنىڭ ءتوراعاسى «قازاقستان ينجينيرينگ» كومپانياسىنىڭ قارجىلىق- شارۋاشىلىق جۇمىسىنداعى رەتسىز شىعىندار، قارىز جۇكتەمەلەرىنىڭ ارتۋى، حولدينگتەگى ءوندىرىس جۇيەسىنىڭ ابدەن ەسكىرگەنى جونىندە مالىمەت بەردى. مەملەكەت باسشىسى اۋديت قورىتىندىسى بويىنشا جيناقتالعان ماتەريالداردى وكىلەتتى ورگاندارعا جولداۋدى، لاۋازىمدى تۇلعالاردىڭ جاۋاپكەرشىلىگىن قاراستىرۋدى تاپسىردى»، دەلىنگەن حابارلامادا.