11:46, 23 - قاڭتار 2020 | GMT +6
الماتىدا سوت ءتوراعاسى پارا الدى دەپ كۇدىكتەلۋدە
نۇر- سۇلتان. قازاقپارات - الماتى قالاسىنىڭ بوستاندىق اۋداندىق سوتىنىڭ ءتوراعاسى پارا الدى دەپ كۇدىكتەلۋدە. بۇل تۋرالى قازاقپارات سىبايلاس جەمقورلىققا قارسى قىزمەتتىڭ باسپا ءسوز قىزمەتىنە سىلتەمە جاساپ حابارلايدى.
«الماتى قالاسىنىڭ سىبايلاس جەمقورلىققا قارسى قىزمەتىمەن قازاقستان رەسپۋبليكاسىنىڭ جوعارعى سوتىنىڭ ىشكى قاۋىپسىزدىك جانە سوتتارداعى سىبايلاس جەمقورلىقتىڭ الدىن الۋ بولىمىمەن بىرلەسىپ الماتى قالاسىنىڭ بوستاندىق اۋداندىق سوتىنىڭ ءتوراعاسى پارا الدى دەگەن كۇدىكپەن ۇستالدى. ول دەلدال - سوت وتىرىسىنىڭ حاتشىسى ارقىلى بورىشكەر ازاماتتان قازاقستان رەسپۋبليكاسىنان تىس جەرلەرگە شىعۋىنا سانكسيا بەرگەنى ءۇشىن ايتارلىقتاي مولشەردە پارا الدى دەپ كۇدىكتەلىپ وتىر» ، - دەلىنگەن حابارلامادا.
2020 -جىلعى 22 - قاڭتاردا باس پروكۋروردىڭ قىلمىستىق قۋدالاۋدان ارتىقشىلىقتارى بار سۋدياعا قاتىستى سوتقا دەيىنگى تەرگەپ- تەكسەرۋدى جالعاستىرۋعا كەلىسىم الىندى.
كۇدىكتىنىڭ كىنالىلىك دارەجەسى تۋرالى تۇپكىلىكتى شەشىمدى سوت قابىلدايدى.