13:46, 23 - قاڭتار 2020 | GMT +6
موڭعوليا قازاعى دۇنيەجۇزىلىك كونكيمەن سىرعاناۋ سايىسىنان كۇمىس مەدال يەلەندى
نۇر- سۇلتان. قازاقپارات - اۆستريانىڭ ينسبرۋك قالاسىندا ءوتىپ جاتقان دۇنيەجۇزىلىك اعا بۋىن سپورت شەبەرلەرىنىڭ كونكيمەن سىرعاناۋ Ⅲ قىسقى ويىندارىنان موڭعوليانىڭ سپورت شەبەرى، باي- ولكە ايماعى سالىق ءبولىمىنىڭ اعا ينسپەكتورى بەربولات قابدەن ۇلى كۇمىس جۇلدەگە يە بولدى.
ول 5000 مەترلىك قاشىقتاعى جارىستان، الەمنىڭ 24 ەلىنەن كەلىپ قاتىسقان سپورتشىلار اراسىنان جوعارىداعى ناتيجەگە قول جەتكىزدى.
الەمنىڭ ارداگەر سپورت شەبەرلەرىنە ارنالعان III دۇنيەجۇزىلىك قىسقى ويىندارىنا /Winter World Masters Games/ موڭعوليا اتىنان قاتىسقان 36 سپورتشى كونكيمەن سىرعاناۋ، شورت- ترەك، حوككەي، شاڭعى تەبۋ قاتارلى كاتەگوريا بويىنشا باق سىناۋدا.
قۋات ۋاتحان