نۇرسۇلتان نازاربايەۆ اۋەجايىنىڭ كودى اۋىسادى

جيىنعا ورتالىق ازيا (و ا) ەلدەرىنىڭ اۋە كومپانيالارى باسشىلارىنىڭ، سونىڭ ىشىندە Air Astana, QAZAQ Air جانە SCAT (قازاقستان) ، AviaTraffic (قىرعىزستان) ، Somon Air (تاجىكستان) جانە AZAL (ازەربايجان) ، سونداي- اق ياتا (حالىقارالىق اۋە كولىگى قاۋىمداستىعى) وكىلدەرى قاتىستى.

جيىندا ت م د ەلدەرىندە العاش رەت ەنگىزىلگەن «قازاقستاننىڭ اۆياتسيالىق اكىمشىلىگى» ا ق قۇرۋ ارقىلى سالانى رەتتەۋدىڭ جاڭا ءتاسىلىن تانىستىردى، وعان ياتا وكىلدەرى مەن اۆياتسيالىق ساراپشىلار وڭ باعا بەرىپ، قازاقستان ورتا ازيا ەلدەرىنىڭ اراسىندا ءبىرىنشى بولىپ وسىنداي ءتاسىلدى ىسكە اسىراتىنىن اتاپ ءوتتى.

دوڭگەلەك ۇستەل اياسىندا ق ر ي ي د م ازاماتتىق اۆياتسيا كوميتەتىنىڭ ءتوراعاسىنىڭ ياتا ايماقتىق باسشىسى رايموندس گرۋنتيسپەن كەزدەسۋى ءوتتى. كەزدەسۋدە 2020 -جىلدىڭ ءساۋىر ايىندا نۇرسۇلتان نازاربايەۆ اۋەجاي كودىنىڭ اۋىسۋى راستالدى. قازىرگى ۋاقىتتا ءتيىستى راسىمدەر جۇرگىزىلۋدە.

وتىرىس بارىسىندا اۋە كومپانيالار قاۋىپسىزدىك اۆياتسيالىق قاۋىمداستىق ءۇشىن ماڭىزدى باسىمدىق بولىپ تابىلاتىنىنا جانە قاۋىپسىزدىكتىڭ ەڭ جوعارى دەڭگەيىنە جەتۋ ءۇشىن بىرلەسكەن كۇش- جىگەر قاجەت ەكەندىگىنە باسا نازار اۋدارىلدى.

بۇدان باسقا، اۆياتسيالىق قوعامداستىق پەن ەۋروپالىق وداقتىڭ بيلىكتەرى اراسىنداعى ىنتىماقتاستىقتى نىعايتۋ ەڭ ۇزدىك تاجىريبە مەن ءبىلىمدى پايدالانا وتىرىپ، كوممۋنيكاتسيانى جاقسارتۋعا جانە اۆياتسيادا جالپى ماقساتتارعا قول جەتكىزۋگە مۇمكىندىك بەرەدى.