15:08, 23 - قاڭتار 2020 | GMT +6
ەلورداداعى بارلىق مەكەمە جۇمىسىنىڭ توقتاتىلۋى تۋرالى اقپارات جالعان - اكىم
نۇر- سۇلتان. قازاقپارات - نۇر- سۇلتان قالاسىنىڭ اكىمى التاي كولگىنوۆ قالاداعى مەملەكەتتىك مەكەمەلەردىڭ ءبارىنىڭ جۇمىسىن توقتاتقانى تۋرالى اقپاراتتى جوققا شىعاردى، دەپ حابارلايدى قازاقپارات.
«اۋا رايىنىڭ قولايسىزدىعىنا بايلانىستى قالاداعى بارلىق مەكەمەلەردىڭ جۇمىسىن توقتاتۋعا قاتىستى اقپارات شىندىققا جاناسپايدى»، - دەپ جازدى اكىم Instagram پاراقشاسىندا .
قالا باسشىسى تەك رەسمي اقپاراتقا سەنۋدى سۇرادى.
«بارلىق اقپارات نۇر- سۇلتان قالاسى اكىمدىگىنىڭ رەسمي سايتىندا جانە اككاۋنتتارىندا بار»، - دەيدى ول.
ايتا كەتسەك، ەلوردادا كەشە تۇننەن بەرى قاتتى بوران سوعىپ تۇر. اۋا رايىنىڭ قولايسىزدىعىنان نۇرسۇلتان نازاربايەۆ حالىقارالىق اۋەجايىندا قازىرگى ۋاقىتتا 38 اۆيارەيس كەشىكتىرىلىپ، 11 رەيس توقتاتىلدى.
اۆتور ايان بەكەن ۇلى