قازاقستان كوروناۆيرۋستى انىقتايتىن پرايمەرلەردى ساتىپ الۋدى باستادى
بۇل تۋرالى بۇگىن ورتالىق كوممۋنيكاتسيالار ورتالىعىندا وتكەن بريفينگتە ق ر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى جانداربەك بەكشين ءمالىم ەتتى، دەپ حابارلايدى قازاقپارات ءتىلشىسى.
«ۆيرۋستىڭ بولۋى (ادام اعزاسىندا - رەد. ) تەك زەرتحانالىق جولمەن انىقتالادى. دۇنيەجۇزىلىك دەنساۋلىق ساقتاۋ ۇيىمى ۆيرۋستىڭ قۇرىلىمىن الدى جانە بىزگە پرايمەرلەردى ۇسىندى. بۇل ارقىلى كوروناۆيرۋستىڭ بار- جوعىن جانە سايكەستىگىن انىقتاۋعا بولادى. وسى كەزەڭدە انىقتالۋ جاعدايلارىن جوققا شىعارۋ جانە مالىمەتتەردى ءوزارا ءىس- قيمىل الگوريتمى بويىنشا د د ۇ- عا جىبەرۋ جولىمەن جۇمىس ىستەيتىن بولامىز. ال كەيىنىرەك ءوزىمىز دە انىقتاي الاتىن بولامىز»، - دەيدى جانداربەك بەكشين.
ونىڭ ايتۋىنشا، قازاقستاندىق تاراپ كوروناۆيرۋستى انىقتاۋعا قاجەت پرايمەرلەردى ساتىپ الۋ ءراسىمىن باستادى.
«بۇل پرايمەرلەردى ساتىپ الۋدى باستادىق. مەنىڭ ويىمشا، ۆيرۋستى يدەنتيفيكاتسيالاۋدى ءبىر جارىم- ەكى ايدىڭ ىشىندە قولعا الامىز»، - دەيدى ول.
اۆتور زارينا قاھارمان