19:51, 23 - قاڭتار 2020 | GMT +6
پاراگۆاي پرەزيدەنتى دەنگە بەزگەگىنە شالدىققان
نۇر-سۇلتان. قازاقپارات – قىتاي كوروناۆيرۋسپەن كۇرەسىپ جاتسا، پاراگۆايدا دەنگە بەزگەگى ءورشىپ تۇر، دەپ حابارلايدى «حابار 24».
ءتىپتى وسى ەلدىڭ پرەزيدەنتى ماريو ابدو بەنيتەس قاۋىپتى دەرتكە شالدىعىپ، جۇمىسىن شەكتەگەن. بۇل تۋرالى پاراگۆاي دەنساۋلىق ساقتاۋ ءمينيسترى ءمالىم ەتتى.
ونىڭ ايتۋىنشا، مەملەكەت باسشىسىنىڭ تەمپەراتۋراسى 38 جارىم گرادۋسقا دەيىن كوتەرىلىپ، دارىگەرلەر ونىڭ دەنگە بەزگەگىمەن سىرقاتتانعانىن انىقتاعان.
ايتا كەتەيىك، دەنگە بەزگەگى - سۋبتروپيكالىق جانە تروپيكالىق كليماتتى ايماقتاردا بولاتىن قاۋىپتى اۋرۋ. ىندەتتى ماسالار تاراتادى. پاراگۆايدا بيىل جىل باسىنان قاۋىپتى دەرتكە 94 ادام شالدىعىپ، 2 تۇرعىن كوز جۇمعان.
www.24.kz