20:50, 23 - قاڭتار 2020 | GMT +6
كومپانيا قولجەتىمدى ايفون شىعارماق
نۇر-سۇلتان. قازاقپارات - Apple كومپانياسى اقپان ايىندا بيۋدجەتتىك iPhone ءونىمىن شىعارۋعا كىرىسەدى، دەپ حابارلادى Bloomberg.
كومپانيا جاڭا تەلەفوندى ناۋرىز ايىندا شىعارۋدى جوسپارلاپ وتىر. مالىمدەۋىنشە، ونىڭ سىرتقى كەلبەتى ەكران دياگونالى 4,7 ديۋيم بولاتىن iPhone 8-گە ۇقساس بولادى.
دەگەنمەن Face ID بيومەتريالىق اۋتەنتيفيكاتسياسى بولمايدى. Bloomberg- ءتىڭ حابارلاۋىنشا، بيۋجەتتىك iPhone شىعارۋ ارقىلى Apple كومپانياسى موبيلدى قۇرىلعىلار نارىعىنداعى ءوز ۇلەسىن كەڭەيتۋدى جوسپارلاپ وتىر.
وتكەن جىلدىڭ سوڭىندا iPhone 12- ءنىڭ ديزاينى تانىستىرىلعان بولاتىن.
ەسكە سالساق، 2019 -جىلدىڭ قاراشاسىندا Apple كومپانياسىنىڭ باس ديزاينەرى دجوناتان ايۆ كومپانيادان كەتكەن بولاتىن. ول كومپانيادا 1992 -جىلدان بەرى جۇمىس ىستەپ، 1996 -جىلدان باستاپ قۇرىلعىلاردىڭ سىرتقى بەينەسىنە جاۋاپ بەرىپ كەلگەن.
www.24.kz