نۇرسۇلتان نازاربايەۆ اسەت يسەكەشيەۆتى قابىلدادى
كەزدەسۋ بارىسىندا ەلباسى قاۋىپسىزدىك كەڭەسى ەلىمىزدىڭ ۇلتتىق قاۋىپسىزدىگى مەن قورعانىس قابىلەتىن قامتاماسىز ەتۋدە ءبىرىڭعاي مەملەكەتتىك ساياساتتى ىسكە اسىرۋدى ۇيلەستىرۋدە ماڭىزدى ءرول اتقاراتىنىن اتاپ ءوتتى، دەپ حابارلايدى elbasy.kz.
- قاۋىپسىزدىك كەڭەسى ەلدىڭ ىشىندە دە، ودان تىسقارى دا قاۋىپسىزدىك ماسەلەلەرىن تالدايتىن جانە قاراۋعا ۇسىناتىن وتە ماڭىزدى مەملەكەتتىك ورگان. ونىڭ قۇزىرىنا قۇقىق قورعاۋ ورگاندارىنىڭ جۇمىسى، ازىق- تۇلىك قاۋىپسىزدىگىن قامتاماسىز ەتۋ، شەت ەلدەرمەن قارىم- قاتىناس جانە ەلدىڭ قورعانىس قابىلەتى سياقتى ماسەلەلەر كىرەدى. سونىمەن بىرگە، قۇقىق قورعاۋ جۇيەسىنىڭ رەفورماسىنا كوڭىل ءبولىپ، سوڭىنا دەيىن جەتكىزۋ ماڭىزدى، - دەدى قازاقستاننىڭ تۇڭعىش پرەزيدەنتى.
ءوز كەزەگىندە ءا. يسەكەشيەۆ ەلدەگى قازىرگى جاعداي تۋرالى بايانداپ، 2020 -جىلعا ارنالعان جۇمىس جوسپارى تۋرالى اقپارات ۇسىندى.
كەزدەسۋ قورىتىندىسى بويىنشا قاۋىپسىزدىك كەڭەسىنىڭ ءتوراعاسى ءبىرقاتار ناقتى تاپسىرما بەردى.