قىتايداعى كوروناۆيرۋسقا بايلانىستى اتىراۋداعى اۋەجايدا باقىلاۋ كۇشەيتىلدى
«شەتەلدەن كەلەتىن بارلىق جولاۋشى ارنايى قۇرىلعىمەن - ادامنىڭ تەمپەراتۋراسىن انىقتايتىن تەپلوۆيزورمەن سكانەرلەنەدى. قاۋىپسىزدىك شارالارى قىتايداعى وقيعالارعا بايلانىستى كۇشەيتىلىپ جاتىر» ، - دەدى وبلىستىق كولىكتەگى جۇمىس پەن قىزمەت ساپاسىن باقىلاۋ دەپارتامەنتىنىڭ سانيتارلى- كارانتيندى باقىلاۋ ءبولىمىنىڭ باس مامانى ايناگۇل ورىنباساروۆا.
«اتىراۋ» حالىقارالىق اۋەجايىندا اپتا سايىن سەگىز حالىقارالىق رەيس، اتاپ ايتقاندا امستەردامنان ءتورت، ىستانبۇلدان ەكى، فرانكفۋرت- نا- ماينەدەن ەكى رەيس ورىندالادى. 2020 -جىل باستالعالى مۇندا 32 حالىقارالىق رەيس ورىندالىپ، 2790 جولاۋشى، سونىمەن بىرگە 261 ەكيپاج مۇشەسى كەلگەن.
«ءبىزدىڭ مىندەت - ءبىزدىڭ ايماققا جاڭا كوروناۆيرۋسپەن نەمەسە باسقا دا ينفەكتسيامەن اۋىراتىن ادام كەلەر بولسا - سونى توقتاتۋ. قىتايداعى جاعداي ورنىققانشا، جولاۋشىلدى بارىنشا تەكسەرەتىن بولامىز» ، - دەيدى ول.
حابارلانىپ وتىرعانداي، تەمپەراتۋراسى كوتەرىلگەن ازاماتتار ءالى اۋەجايدا تىركەلمەپتى. بۇگىنگى كۇنى جاعداي تۇراقتى.
ەسكە سالا كەتسەك، بۇگىن ورتالىق كوممۋنيكاتسيالار ورتالىعىندا وتكەن بريفينگتە ق ر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى جانداربەك بەكشين قىتايدا ءورشىپ جاتقان كوروناۆيرۋس قازاقستان اۋماعىندا تىركەلمەگەنىن ءمالىم ەتكەن ەدى.