مەملەكەت باسشىسى: ديپلوم ساتاتىن جوعارى وقۋ ورىندارى ماسەلەسى بيىل شەشىلەدى

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ديپلوم ساتاتىن ج و و- لار تۋرالى ايتتى، دەپ حابارلايدى قازاقپارات ءتىلشىسى.

«ءبىز مۇعالىمدەردىڭ جالاقىسىن 25 پايىزعا كوتەردىك. مينيسترلىك ءبىلىم بەرۋ باعدارلاماسارىن جاڭارتۋمەن، سونداي- اق ج و و- لاردىڭ اكادەميالىق دەربەستىگىن ارتتىرۋمەن اينالىسۋدا. بيزنەس پەن جۇرتشىلىقپەن ديالوگ ورناتىلدى. ەندى ءبىلىم جانە عىلىم ءمينيسترى مەن جەرگىلىكتى اتقارۋشى ورگاندار وسى مىندەتتەردى دۇرىس اتقارۋى ءتيىس. قازىرگى تاڭدا ەلىمىزدە بىلىكتى ۇستازداردىڭ تاپشىلىعى ايقىن سەزىلىپ وتىر. مامانداردىڭ جاسى ۇلعايعان سايىن ولاردىڭ ورنىن باساتىن لايىقتى مۇعالىمدەر جەتىسپەي جاتىر. 330 مىڭ مۇعالىمنىڭ 27 پايىزى - زەينەت جاسىن جاقىنداعان نەمەسە جەتكەن ازاماتتار» ، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.

مەملەكەت باسشىسى مۇعالىمدەردى دايارلايتىن ج و و- لاردا كوبىنەسە ۇلگەرىمى ناشار تۇلەكتەر باراتىنىن اتاپ ءوتتى.

«ولاردان كاسىبي دەڭگەيى تومەن مامانداردىڭ شىعاتىنى وسىدان. مەملەكەت تاراپىنان ءتيىستى وكىلەتتىك بەرىلدى. قاجەتتى رەسۋرس بار. سوندىقتان، قالىپتاسقان جاعدايدى تۇبەگەيلى وزگەرتۋىمىز كەرەك. بىزگە جاڭا تالاپتارعا ساي مۇعالىمدەردى دايارلايتىن جوعارى وقۋ ورىندارى قاجەت. ديپلوم ساتىپ، جوعارى ءبىلىمنىڭ بەدەلىن تۇسىرەتىن جەكەمەنشىك وقۋ ورىندارىنان ءبىرجولا قۇتىلۋ كەرەك» ، - دەدى ول.


سوڭعى جاڭالىقتار