ق ر ۇلتتىق ەكونوميكا مينيسترلىگىنىڭ وكىلى جانارمايعا قاتىستى جاعدايدى ءتۇسىندىردى

None
None
نۇر-سۇلتان. قازاقپارات – ق ر ۇلتتىق ەكونوميكا مينيسترلىگىنىڭ باسپا ءسوز حاتشىسى شىڭعىس ءىلياسوۆ بەنزينگە اكتسيزدىڭ نە سەبەپتى كوتەرىلگەنىن ايتتى، دەپ حابارلايدى قازاقپارات ءتىلشىسى.

«اكتسيزدى كوتەرگەن سەبەبىمىز - نارىقتا جانار-جاعارماي ماتەريالدارىنا باعالىق ديسپروپورتسيا جانە اشىق مۇناي ونىمدەرىنە تاپشىلىق تۋىنداۋىنا جول بەرمەۋ. الدىن الا ەسەپتەۋلەر بويىنشا، اتسكيزدى كوتەرگەن جاعدايدا 2020-جىلى بيۋجەتكە 50,6 ميلليارد تەڭگە مولشەرىندە قوسىمشا تۇسىمدەر تۇسەتىن بولادى. اكتسيزدى كوتەرمەگەن كۇننىڭ وزىندە بەنزين باعاسى قىمباتتاي بەرۋى مۇمكىن. نەگىزىنەن باعا سۇرانىس پەن ۇسىنىسقا بايلانىستى قالىپتاسادى. مىسالى، 2015-جىلى اكتسيز مولشەرى ەكى ەسە كوتەرىلگەنمەن، بەنزين باعاسى وزگەرگەن جوق بولاتىن»، - دەيدى باسپا ءسوز حاتشىسى.

سونداي-اق، ول بەنزين باعاسى قانداي جاعدايدا تەكسەرىلەتىنىن ايتتى.

«ءبىز نارىقتاعى بەنزين باعاسىن مونوپولياعا قارسى زاڭنامالار بۇزىلعان جاعدايدا تەكسەرەمىز. سونىمەن كاتار بەنزين باعاسى قاي جەردە، قانشا تەڭگەگە قىمباتتاعانى تۋرالى ستاتيستيكالىق ەسەپ بار. قر ەنەرگەتيكا مينيسترلىگىنىڭ سايتىنان دا بەنزين باعاسى تۋرالى اقپاراتتى كورۋگە بولادى»، - دەيدى شىڭعىس ءىلياسوۆ.

ايتىپ ءوتۋ كەرەك، وسىعان دەيىن قر ەنەرگەتيكا مينيسترلىگى بەنزين تاپشىلىعى جوق ەكەنىن، كەرىسىنشە ارتىعىمەن بار ەكەن ايتقان بولاتىن.

سوڭعى جاڭالىقتار