قازاقستاندا قانشا ادام كوروناۆيرۋس جۇقتىرۋى مۇمكىن

None
None
نۇر- سۇلتان. قازاقپارات - ەلىمىزدە ناۋرىز، ءساۋىر، مامىر ايلارىندا كوروناۆيرۋس جۇقتىرعاندار سانى 3500 نان اسپاۋى مۇمكىن.

بۇل تۋرالى ەلدەگى كوروناۆيرۋس ينفەكسياسى بويىنشا اعىمداعى جاعداي جايلى ونلاين بريفينگتە ايتىلدى، دەپ حابارلايدى قازاقپارات ءتىلشىسى.

«كوروناۆيرۋسقا قاتىستى بولجام جاساۋ وتە قيىن، سەبەبى ول كوپتەگەن فاكتورعا بايلانىستى. ەڭ باستىسى - كارانتين شارالارىن ساقتاۋ كەرەك. كوروناۆيرۋسپەن اۋىرعان ادام ونى تاعى 3-4 ادامعا جۇقتىرۋى مۇمكىن، سول سەبەپتى تەوريالىق تۇرعىدا حالىقتىڭ باسىم بولىگى اۋرۋ جۇقتىرۋى مۇمكىن. ءبىراق قابىلداعان كارانتين شاراسى بۇل قاۋىپتى % 50- عا ازايتتى. قازىرگى قابىلدانىپ جاتقان شارالار بولجامدارعا اسەر ەتەدى»، - دەيدى ق ر دەنساۋلىق ساقتاۋ ءمينيسترى ەلجان ءبىرتانوۆ.

ونىڭ ايتۋىنشا، جالپى العاندا ناۋرىز، ءساۋىر، مامىر ايلارىندا ەلىمىزدە كوروناۆيرۋس جۇقتىرعاندار سانى 3500 دەن اسپايدى. «ءبىز وسى بولجام نەگىزىندە شەشىم قابىلدايمىز، ياعني وسىنشاما ادامعا ارنالعان توسەك- ورىن دايىندالدى. قوسىمشا توسەك- ورىن دا بار. وسى سانعا سايكەس ءدارى- دارمەك دايىن تۇرادى. ءساۋىر ايىندا ەپيدەميانىڭ شارىقتاۋ شەگىنەن وتەمىز، ارى قاراي ينفەكتسيا تاسىمالداۋشىلار سانىن ازايتۋ ماقساتىندا كارانتين شارالارىن جالعاستىرا بەرەمىز»، - دەيدى ەلجان ءبىرتانوۆ.

اۆتور: زارينا قاھارمان

سوڭعى جاڭالىقتار