الماتىدا حالىقارالىق اۋە رەيستەرى توقتادى

None
None
الماتى. قازاقپارات - الماتىدا كوروناۆيرۋس ينفەكتسياسىنىڭ تارالۋىن توقتاتۋ ماقساتىندا حالىقارالىق رەيستەر توقتاتىلدى، دەپ حابارلايدى قازاقپارات ءتىلشىسى.

تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ كولىكتەگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ قاۋلىسىنا سايكەس، 1- ءساۋىر ساعات 00.00 دەن باستاپ الماتى قالاسىندا جولاۋشىلاردى تاسىمالدايتىن حالىقارالىق اۋە رەيستەرى توقتايدى.

بۇل الماتى قالاسىنىڭ تۇرعىندارى اراسىندا COVID-19 ينفەكتسياسىنىڭ ودان ءارى تارالۋىنىڭ الدىن الۋ جانە وعان جول بەرمەۋ ماقساتىندا جاسالىپ وتىر.

«حالىقارالىق الماتى اۋەجايى» ا ق وسى قاۋلىنى ورىنداۋ ءۇشىن ءتيىستى شارالار قابىلدادى. ونىڭ ورىندالۋىن باقىلاۋ كولىكتەگى باس مەملەكەتتىك سانيتار دارىگەرلەرگە جۇكتەلەدى. بۇل قاۋلى قول قويىلعان كۇنىنەن باستاپ كۇشىنە ەنەدى. ەندى حالىقارالىق جولاۋشى رەيستەرى 2020-جىلدىڭ 1- ساۋىرىنەن باستاپ قازاقستاننىڭ باسقا قالالارىنا باعىتتالادى.

ايتا كەتۋ كەرەك، ق ر پرەزيدەنتى جانىنداعى توتەنشە جاعدايدى قامتاماسىز ەتۋ بويىنشا مەملەكەتتىك كوميسسيانىڭ شەشىمىمەن قالادا قوسىمشا شەكتەۋلەر قويىلىپ جاتىر. الماتىدا كارانتين رەجىمى كۇشەيدى.

سوڭعى جاڭالىقتار