تاۋلىك ىشىندە كوروناۆيرۋس جۇقتىرۋدىڭ جاڭا رەكوردى تىركەلدى

ىندەت جۇقتىرۋ سانى 6258 دەن 7437 وقيعاعا دەيىن وسكەن. وسىلايشا، تاۋلىك ىشىندە ەلدە Covid-19 ۆيرۋسىن 1179 ادام جۇقتىرعان، دەپ حابارلايدى كانادا دەنساۋلىق ساقتاۋ مينيسترلىگىنە سىلتەمە جاساعان قازاقپارات.

كوروناۆيرۋس جۇقتىرۋدىڭ ەڭ كوپ سانى كۆەبەك پروۆينسياسىندا تىركەلدى. وندا ءبىر تاۋلىكتە 590 جاڭا وقيعا انىقتالعان. كوروناۆيرۋسقا شالدىققانداردىڭ جالپى سانى - 3430 ادام. ەكىنشى جانە ءۇشىنشى ورىندا - ونتاريو پروۆينسياسى (1706 وقيعا) جانە بريتاندىق كولۋمبيا (960 وقيعا).

بريتاندىق كولۋمبيادا اۋرۋ جۇقتىرعان ادامداردىڭ 48 پايىزى ساۋىقتى. ونتاريودا 400 ادام جازىلىپ شىقتى.

كانادادا كوروناۆيرۋس جۇقتىرۋدىڭ بىردە-ءبىر وقيعاسى تىركەلمەگەن جەر - نۋناۆۋت اركتيكالىق اۋماعى. 12- ناۋرىزدا الەمدىك ب ا ق كوروناۆيرۋستىڭ كانادا پرەمەر-ءمينيسترى دجاستين تريۋدونىڭ زايىبىنان انىقتالعانىن حابارلاعان.

لوندوننان ورالعان ودان تەست الىنىپ، ىندەتتىڭ بار ەكەنىن كورسەتتى.

پرەمەر-ءمينيستردىڭ ءوزى جانە ءۇش بالاسىنان ۆيرۋس بەلگىلەرى انىقتالماعان ەدى. وتكەن دەمالىس كۇندەرى سوفي تريۋدونىڭ تولىق جازىلىپ، ءوزىن جاقسى سەزىنگەنى تۋرالى جاريالاندى.

كانادادا كوروناۆيرۋسقا شالدىعۋدىڭ ءبىرىنشى وقيعاسى 15- قاڭتاردا تىركەلگەن. ىندەتتەن كوز جۇمعاندار سانى - 89 ادام.