الماتىدا كوروناۆيرۋس جۇقتىرعانداردىڭ كوبى قاي جاستا؟

بۇل تۋرالى الماتى قالاسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ باسشىسى ايزات مولداعاسىموۆا «حابار24» تەلەارناسىنداعى ونلاين- بريفينگتە ايتتى.

«قاي ەلدەردەن كەلگەندەرىن ايتساق. شەتەلدە جۇقتىرىپ كەلگەندەردىڭ 40 پايىزى ماسكەۋدەن كەلگەندەر. 23 پايىزى - بەرلين - الماتى، 20 پايىزى - سانكت- پەتەربۋرگ - الماتى، 17 پايىزى - مينسك - الماتى رەيسىمەن كەلگەن»، - دەدى باسقارما باسشىسى.

سونىمەن قاتار، مولداعاسىموۆا ناۋقاستاردىڭ جاس مولشەرىن اتاپ ءوتتى.

«جاس مولشەرىنە توقتالساق. اۋرۋدى جۇقتىرعانداردىڭ باسىم بولىگى 30-39 جاستا. ەكىنشى ورىندا 20-29 جاسقا دەيىنگىلەر، ءۇشىنشى ورىندا 50-59 جاستاعى ازاماتتار»، - دەدى ول.

ونىڭ ايتۋىنشا، ناۋقاستاردىڭ كوبى - ايەلدەر - 52، 5 پايىز، ال ەرلەر - 37، 5 پايىز.

ايتا كەتەيىك، الماتىداعى كوروناۆيرۋس ىندەتىن جۇقتىرعان ناۋقاستاردىڭ 3 پايىزى ەلدە ءجۇرىپ جۇقتىرعان.