ەلوردا اكىمى قوعامدىق كولىكتەردىڭ نەلىكتەن جاپپاي توقتاتىلعانىن ءتۇسىندىردى

«بۇل كارانتين كەزەڭىندەگى ءماجبۇرلى ءارى قاجەتتى شارا. سەبەبى قالامىزدا تۇرعىندار كۇنىنە 750 مىڭ ادام اۆتوبۋسپەن قاتىنايدى. توقتاتپاساق، قانشاما ادامنىڭ باسىن قاۋىپكە تىگەر ەدىك. جۇرگىزۋشىلەردىڭ ءبىرىنىڭ كوروناۆيرۋس جۇقتىرعان اداممەن بايلانىستا بولعانىن ەسەپكە الا وتىرىپ، ءبىز بارلىق اۆتوبۋستى وڭدەپ، جۇمىسشىلاردىڭ ءبارىن تەستتەن وتكىزىپ جاتىرمىز»، - دەدى قالا اكىمى تەنگرينيۋس. ك ز پورتالىنا بەرگەن تىكەلەي ەفيردەگى سۇحباتىندا.

وسى سەبەپتى قالالىق شتاب شاھارداعى قوعامدىق كولىكتەردىڭ ءبارىن توقتاتۋ تۋرالى ورتاق شەشىمگە كەلگەن. الايدا بۇل ماسەلەگە كەلگەندە قالا باسشىلىعىنا تۇرعىنداردان ءبىرشاما ءوتىنىم تۇسكەن ەكەن.

«ادامدار «ۇيدە قالىڭىزدار دەيسىزدەر، ءبىراق جۇمىس ءجۇرىپ جاتىر» دەيدى. سول سەبەپتى تەك قالانىڭ تىرشىلىگىنە تىكەلەي قاتىستى قىزمەتتەردى عانا قالدىرۋعا تۋرا كەلدى. ولاردىڭ قاتارىندا - اكىمدىك قىزمەتكەرلەرى، مەديتسينا ماماندارى، قۇقىق قورعاۋ ورگانىنىڭ قىزمەتكەرلەرى، اسكەريلەر مەن سۋمەن، جىلۋمەن قامتاماسىز ەتەتىن قىزمەتكەرلەر بار. رۇقسات بويىنشا جۇرەتىن جەڭىل اۆتوكولىكتەر قالدى. كەشەدەن بەرى ولاردىڭ ءبارىن دە تەكسەرۋدەمىز»، - دەدى ول.

اۆتور: ايان بەكەن ۇلى