بلوك-بەكەت ارقىلى ەلورداعا زاڭدى تۇردە كىمدەر كىرە الادى

None
None
نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ ەلورداعا بلوك- بەكەت ارقىلى كىمدەردىڭ زاڭدى تۇردە كىرە الاتىنىن ايتتى، دەپ حابارلايدى قازاقپارات ءتىلشىسى.

«بلوك- بەكەتتەن تەك زاڭدى تۇردە وتۋگە بولادى. ءارتۇرلى جاعداي كەزدەسەدى. ءبىراز كۇن بۇرىن ءبىر تاكسيست 50 مىڭ تەڭگە بەرىپ، بلوك- بەكەتتەن ءوتىپ كەتپەك بولعان. ءبىراق ونىڭ ارەكەتىنە توسقاۋىل قويىلىپ، تاكسيست 15 كۇنگە قامالدى. ال ءوتىپ كەتپەك بولعان باسقا ازاماتتارمەن پوليتسيا قىزمەتكەرلەرى ءتيىستى جۇمىس جۇرگىزىپ جاتىر. بىزگە دروندار كومەكتەسەدى. «سەرگەك» كامەرالارى بار. قاتاڭ باقىلاۋ قويىلعان. بلوك- بەكەتتەن زاڭسىز ءوتۋ مۇمكىن ەمەس!» - دەدى التاي كولگىنوۆ تەنگرينيۋس. ك ز پورتالىنا بەرگەن تىكەلەي ەفيردەگى سۇحباتىندا.

شاھار باسشىسى سونىمەن قاتار بلوك-بەكەت ارقىلى كىمدەردىڭ زاڭدى تۇردە قالاعا كىرە الاتىنىن ايتىپ بەردى. «بلوك- بەكەتتەن ەڭ ءبىرىنشى كەزەكتە وتەتىندەر - ازىق- تۇلىك پەن تاۋار اكەلۋشىلەر. ولار كەدەرگىسىز كىرە الادى. ولار ءۇشىن - «جاسىل ءدالىز». ونىڭ وزىندە جۇك كولىگى كىرىپ، جۇكتى ءتۇسىرىپ، قايتا شىعىپ كەتۋى ءتيىس. ترانزيتتىك اعىم بويىنشا دا سول. ءبىزدىڭ قالادا 87 شاقىرىمدىق اينالما جولدىڭ بارىن بىلەسىز. قاراعاندى نەمەسە كوكشەتاۋ جاقتان كەلەتىندەر پاۆلودار جاققا ترانزيتپەن قالاعا كىرمەي- اق اينالما جولمەن كەتە الادى»، - دەدى ول.

التاي كولگىنوۆ سونداي-اق ءىسساپاردا نەمەسە وتباسىلىق جاعدايعا بايلانىستى باسقا قالادا بولعانداردى ارنايى رۇقساتپەن قالاعا كىرگىزىپ، شىعارۋعا بولاتىنىن جەتكىزدى.

سوڭعى جاڭالىقتار