اسحات ايماعامبەتوۆ جازعى كانيكۋلدى قىسقارتۋ ماسەلەسىنە پىكىر ءبىلدىردى

«توقساندىق دەمالىسقا ءبىر اپتا ەرتە شىعۋ وقۋ جىلىن ۇزارتۋدى قاجەت ەتپەيدى. قازىرگى ۋاقىتتا مۇنداي ماسەلە قاراستىرىلىپ جاتقان جوق. جازعى كانيكۋلدى قىسقارتۋ دا جوسپارىمىزدا جوق. الداعى ۋاقىتتا كۇتپەگەن وقيعالار بولىپ جاتسا، ويلانۋىمىز مۇمكىن. ءبىراق، ازىرگە بۇل ماسەلە كوتەرىلگەن جوق»، - دەپ جاۋاپ بەردى مينيستر ورتالىق كوممۋنيكاتسيالار قىزمەتىندە ءتىلشى ساۋالىنا.

سونىمەن بىرگە، مينيستر ۇ ب ت وتكىزۋ مەرزىمى تۋرالى سۇراقتارعا جاۋاپ بەردى. «ۇ ب ت- نى ماۋسىم ايىنىڭ اياعىندا وتكىزۋ جوسپارلانعان، ونى دا اۋىستىرۋعا ەش قاجەتتىلىك جوق. ۇ ب ت سىناما تەستتەرىن اقىسىز وتكىزۋ بويىنشا جاعداي جاسادىق. تەستىلەۋدىڭ 70 نۇسقاسىن تەگىن ۇ ب ت سايتىنا شىعاردىق، كوپتەگەن بالالار سىناما تەستتەن تەگىن ءوتىپ جاتىر»، - دەدى مينيستر.

ەسكە سالا كەتسەك، ەلىمىزدەگى توتەنشە جاعدايعا بايلانىستى مەكتەپ وقۋشىلارى، ج و و جانە كوللەدج ستۋدەنتتەرى قاشىقتان وقىتۋ فورماتىنا كوشىرىلدى. بۇعان دەيىن مينيستر قازاقستاندىق مەكتەپ وقۋشىلارىنىڭ تەلەديدار، راديو، ينتەرنەت جانە پوشتا ارقىلى ءبىلىم الاتىنىن مالىمدەگەن ەدى. 1 - ساۋىردە قازاقستاننىڭ بارلىق مەكتەپتەرى قاشىقتان وقىتۋ بويىنشا سىناما ساباق وتكىزەدى. بارلىق سۇراقتار بويىنشا ءبىلىم جانە عىلىم مينيسترلىگىنىڭ 1450 كولل- ورتالىعىنا حابارلاسۋعا بولادى.

اۆتور: ايجان سەرىكجان قىزى