ا ق ش عالىمى: تۋبەركۋلەز ەكپەسى كوروناۆيرۋستان قۇتقارادى

None
None
نۇر-سۇلتان. قازاقپارات – ا ق ش ەپيدەميولوگتارى COVID-19 ينفەكسياسى تاراعان ەلدەرگە زەرتتەۋ جاساي كەلە، تۋبەركۋلەزگە قارسى ب ت س ج ەكپەسى سالىنعان ەل ازاماتتارى كوروناۆيرۋستان از زارداپ شەگەتىنىن ايتادى.

زەرتتەۋ ناتيجەسى medRxiv پورتالىندا جاريالانعان.

- تۋبەركۋلەزگە قارسى ب ت س ج ەكپەسىن جاساتپاعان يتاليا، نيدەرلاندى، ا ق ش سىندى ەلدەر COVID-19 ينفەكسياسىنان، اسىرەسە، كوپ جاپا شەگۋدە، - دەيدى عالىمدار. عالىمداردىڭ تۇجىرىمىنشا، ب ت س ج ەكپەسى - ۆيرۋستىڭ تاراۋىن توقتاتاتىن، وعان قارسى ەم بولا الاتىن ۆاكسينا. ءارى كوروناۆيرۋسپەن كۇرەسۋدىڭ باستى قۇرالى بولا الاتىن كورىنەدى. عالىمداردىڭ مۇنداي ويعا كەلۋىنە ب ت س ج ەكپەسىن جاساتقان ەلدەردىڭ كوروناۆيرۋستان از زارداپ شەككەنى دالەل بولعان. ماسەلەن، تۋبەركۋلەزگە قارسى ەكپە جاساتپاعان ا ق ش، يران، يتاليا، بەلگيا، نيدەرلاندى، باسقا دا ەۋروپا مەملەكەتتەرىندە كوروناۆيرۋستان كوز جۇمعانداردىڭ سانى كوپ تە، تۋبەركۋلەزگە قارسى ەكپە جاساتقان ەلدەردە ءولىم- ءجىتىم از. ماسەلەن، برازيليادا كوروناۆيرۋس جۇقتىرعاندار كوپ بولعانىمەن، كوبى جازىلىپ كەتۋدە. ال برازيليا ەكونوميكالىق جاعىنان كەدەي مەملەكەت ءارى تۇرعىندارىن اۋرۋدان قورعاۋ ءۇشىن تۋبەركۋلەزگە قارسى ەكپەنى كوپتەن بەرى قولدانىپ كەلەدى. ودان بولەك، قىتايداعى كوروناۆيرۋستىڭ تەز تاراپ كەتۋىنە دە تۋبەركۋلەزگە قارسى ەكپەنىڭ ۋاقىتشا توقتاتىلىپ قالۋى سەبەپ بولعان. قىتاي ازاماتتارىنا 1950 -جىلدارى تۋبەركۋلەزگە قارسى ەكپە جاسالعانىمەن، 1966-76 -جىلدارى «مادەني توڭكەرىس» كەزىندە ەكپە جاساۋ توقتاتىلىپ قالعان كەدى. زەرتتەۋ اۆتورى اارون ميللەردىڭ ويىنشا، قىتايدا كوروناۆيرۋستىڭ العاشقى تولقىنى كەزىندە زارداپ شەككەندەردىڭ كوبى - مادەني توڭكەرىس جىلدارى ەكپە جاسالماي قالعاندار ەكەن. 31 - ناۋرىز كۇنگى دەرەكتەرگە كوز جۇگىرتسەك، الەمدە كوروناۆيرۋس جۇقتىرعانداردىڭ سانى 786 مىڭعا جۋىقتادى، ساۋىعىپ شىققانداردىڭ سانى 165 مىڭنان استى.

Massaget.kz


سوڭعى جاڭالىقتار