شىمكەنتتە وكپەنى جاساندى جەلدەتۋ اپپاراتى شىعارىلاتىن بولدى

None
None
شىمكەنت. قازاقپارات - شىمكەنتتە وكپەنى جاساندى جەلدەتۋ اپپاراتى (ي ۆ ل) شىعارىلاتىن بولدى.

بۇل تۋرالى قالا اكىمى مۇرات ايتەنوۆ Instagram پاراقشاسىندا جاريا ەتتى، دەپ حابارلايدى قازاقپارات ءتىلشىسى.

قالا باسشىسىنىڭ حابارلاۋىنشا، ول «Kazmedpribor Holding» ج ش س ديرەكتورى راحات بايزاقوۆپەن پاندەميامەن كۇرەس ماسەلەلەرىن تالقىلاعان. راحات تۇرعانبەك ۇلى قالا تۇرعىندارىنا 150 دانا توسەك-ورىن، ينفۋزيا قۇيۋعا ارنالعان 400 دانا شتاتيۆ جانە 40 دانا مەديتسينالىق باعانا سىيلاعانىن ايتقان.

كاسىپكەرگە ءوزىنىڭ العىسىن بىلدىرگەن شاھار باسشىسى جاقىن ارادا اكىمدىك قولداۋىمەن «Kazmedpribor Holding» ج ش س- ءى ءو ج ج اپپاراتى شىعارىلاتىندىعىن جەتكىزدى.

«ءبىز بۇل جوبامەن ءۇش اي بويى جۇمىس ىستەدىك. ەندىگى كەزەكتە قاجەتتى سەرتيفيكاتتى الساق، اپپاراتتى شىعارا باستايمىز. الدىمەن، قالانى تولىعىمەن قامتىپ، سودان كەيىن ەلىمىزدىڭ وزگە قالالارىنا كومەكتەسەتىن بولامىز. بۇگىنگى باستى جاعىمدى جاڭالىق وسى»، - دەدى م. ايتەنوۆ.

ايتا كەتەيىك، قازىرگى تاڭدا قالاداعى مەديتسينالىق مەكەمەلەردە 323 ءو ج ج اپپاراتى بار. ونىڭ ىشىندە 130 اپپارات پورتاتيۆتى سانالادى. سونداي-اق، ەمدەۋ مەكەمەلەرى 250 «بوبروۆ» تىنىس الۋ اپپاراتى مەن 10 مونيتورمەن قامتاماسىز ەتىلگەن.

سوڭعى جاڭالىقتار