قازاقستاندىق ديپلوماتتار دارىگەرلەرگە قولداۋ كورسەتەدى

سىرتقى ىستەر مينيسترلىگىنىڭ وكىلى ايبەك سمادياروۆ اتاپ وتكەندەي، كوروناۆيرۋس پاندەمياسى ومىرىمىزگە كەنەتتەن كەلىپ، بۇكىل الەمگە تەز تارادى. 500 مىڭنان استام ادامنىڭ ءومىرىن الىپ كەتتى جانە عالامشار تۇرعىندارىنىڭ دەنساۋلىعى مەن ءال-اۋقاتىنا زور زيان كەلتىردى.

ءبىزدىڭ ەلىمىز دە كۇردەلى كەزەڭدى باستان وتكەرۋدە، وتاندىق دەنساۋلىق ساقتاۋ جۇيەسى ءوز مۇمكىندىگىنشە جۇمىس ىستەۋدە. دارىگەرلەر مەن مەديتسينا قىزمەتكەرلەرى كۇن سايىن وزدەرىنىڭ كاسىبي جانە ازاماتتىق بورىشىن ادال ورىنداپ، ۆيرۋس جۇقتىرۋ قاۋپىنە ۇشىرايدى.

مۇنداي ساتتەردە ىنتىماقتاستىق پەن ادامداردى ءوزارا قولداۋ ماڭىزدى. پرەزيدەنت قاسىم-جومارت توقايەۆتىڭ كوروناۆيرۋسقا قارسى ۇلتتى جۇمىلا كۇرەسۋگە شاقىرعان ۇندەۋىن جانە 13- شىلدە كۇنىن پاندەميانىڭ قۇربانى بولعان قازاقستاندىقتاردى جالپى ۇلتتىق ازا تۇتۋ كۇنى دەپ جاريالاۋ تۋرالى شەشىمىن قولداي وتىرىپ، سىرتقى ىستەر مينيسترلىگىنىڭ ۇجىمى وتاندىق مەديتسينا مۇقتاجدىقتارى ءۇشىن شەتەلدەن مەديتسينالىق جابدىقتار، ءدارى-دارمەك جانە جەكە قورعانۋ قۇرالدارىن ساتىپ الۋ ءۇشىن قىزمەتكەرلەردىڭ جالاقىسىنان ەرىكتى نەگىزدە قاراجات جيناۋدى شەشتى.

سونىمەن قاتار، قازاقستاندىق ديپلوماتتار بىرلەستىگى ءوز مۇشەلەرىن ۆولونتەرلىك قىزمەتكە بەلسەندى قاتىسۋعا شاقىردى جانە ولاردى ءبىزدىڭ مەديكتەرگە پراكتيكالىق كومەك كورسەتۋ ءۇشىن جىبەرۋگە دايىن.

بۇل باستامالار ەپيدەمياعا قارسى ءبىزدىڭ جالپى كۇرەسىمىزگە ءوز ۇلەسىن قوسادى دەپ ۇمىتتەنەمىز.