قازاقستاندا كوروناۆيرۋستان دا قاۋىپتى پنيەۆمونيا تاراعانى راس پا: مينيسترلىك تۇسىنىكتەمەسى

قازاقستاننىڭ دەنساۋلىق ساقتاۋ مينيسترلىگى بۇعان قاتىستى تۇسىنىك بەردى، دەپ حابارلايدى قازاقپارات.

«قىتايدىڭ كەيبىر بۇقارالىق اقپارات قۇرالدارىندا قازاقستاندا كوروناۆيرۋسقا قاراعاندا، ءولىم-جىتىمگە اناعۇرلىم كوبىرەك الىپ كەلەتىن بەلگىسىز پنيەۆمونيا انىقتالعانى تۋرالى اقپارات تاراپ جاتىر.

قازاقستان رەسپۋبليكاسىنىڭ دەنساۋلىق ساقتاۋ مينيسترلىگى اتالعان اقپارات شىندىققا جاناسپايتىنىن ءمالىم ەتەدى.

ايتا كەتۋ كەرەك، دۇنيەجۇزىلىك دەنساۋلىق ساقتاۋ ۇيىمى اۋرۋلاردىڭ حالىقارالىق تىزىلىمىنە-ا ح ت-10 عا پنيەۆمونيانى ەسەپكە الاتىن كودتار ەنگىزدى.

مىسالعا، «كۇڭگىرت شىنى» سيمپتومى كەزىندە وكپەنىڭ زاقىمدانۋىندا، كۆي كلينيكالىق جانە ەپيدەميولوگيالىق تۇردە داگنوستيكالانادى، ءبىراق زەرتحانالىق تۇردە راستالمايدى. وسى رەتتە، قازاقستان وزگە ەلدەر سياقتى وسىنداي پنيەۆمونيا تۇرىنە مونيتورينگ جانە ەسەپ جۇرگىزەدى.

بۇل، كوروناۆيرۋس ينفەكتسياسىنا شالدىعۋ جانە ونىڭ تارالۋ جاعدايىن تۇراقتاندىرۋعا باعىتتالعان باسقارۋشىلىق شەشىمدەردى ۋاقىتىلى قابىلداۋعا مۇمكىندىك بەرەدى.

9- شىلدە كۇنى قازاقستاننىڭ دەنساۋلىق ساقتاۋ ءمينيسترى الەكسەي تسوي پنيەۆمونيا بويىنشا جالپى ەلدەگى ساندار تۋرالى ايتتى: سونىڭ ىشىندە باكتەريا، زەڭ، ۆيرۋس تۋدىراتىندار، سونىڭ ىشىندە ا ك ح ت-10 تىزىلىمىنە سايكەس «بەلگىسىز ەتيولوگياداعى ۆيرۋستى پنيەۆمونيا» بار. وسىلايشا، ق ر دەنساۋلىق ساقتاۋ مينيسترلىگى قىتايلىق ب ا ق- تىڭ حابارلاماسى شىندىققا جاناسپايتىنىن ءمالىم ەتەدى»، - دەدى ۆەدومستۆودان.