قازاقستاندا سوت ورىنداۋشىلار اليمەنتتەردى ءبىرىنشى كەزەكتە ءوندىرىپ الاتىن بولادى

ەندى ولار اليمەنت ماسەلەسىمەن ءبىرىنشى كەزەكتە اينالىسادى، دەپ حابارلايدى قازاقپارات ق ر ادىلەت مينيسترلىگىنىڭ باسپا ءسوز قىزمەتىنە سىلتەمە جاساپ.

وسى جىلدىڭ 27- ماۋسىمىندا قازاقستان پرەزيدەنتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتقارۋشىلىق ءىس جۇرگىزۋدى جانە قىلمىستىق زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.

زاڭدا اتقارۋشىلىق ءىس جۇرگىزۋدىڭ ساپاسىن جاقسارتۋ جولىمەن ازاماتتاردىڭ قۇقىقتارىن قورعاۋ مەن ۋاقىتىلى ىسكە اسىرۋدى، اتاپ ايتقاندا الەۋمەتتىك ماڭىزى بار ىستەر ساناتتارى بويىنشا قامتاماسىز ەتۋگە، اسا نازار اۋدارىلادى.

«قابىلدانعان تۇزەتۋلەرمەن جەكە سوت ورىنداۋشىلارىنىڭ اليمەنتتەردى، جالاقىنى، زەينەتاقىنى، جاردەماقىلاردى ءوندىرىپ الۋ تۋرالى، ازاماتتاردىڭ ءومىرى مەن دەنساۋلىعىنا كەلتىرىلگەن زياندى وتەۋ تۋرالى اتقارۋشىلىق قۇجاتتاردى ورىنداۋدىڭ باسىمدىعى بەكىتىلدى»، - دەپ حابارلايدى مينيسترلىكتەن.

بۇرىن كەيبىر جەكە سوت ورىنداۋشىلار، ولاردى اسا قىزىقتىرماعاندىقتان ماجبۇرلەپ ورىنداتۋ شارالارىن قولدانۋ مەرزىمىن سوزاتىن جاعدايلار بولاتىن. ەندىگىدە، سوت ورىنداۋشىسى ءبىر اي ىشىندە ماجبۇرلەپ ورىنداتۋ شارالارىن قابىلداماسا ليتسەنزياسىنان ايىرىلۋى مۇمكىن.

بۇدان باسقا مەملەكەتتىك ەڭبەك ينسپەكتورىنىڭ جالاقىنى تولەۋ تۋرالى ۇيعارىمىنا اتقارۋشىلىق قۇجات مارتەبەسى بەرىلەدى. بۇل شارا قۇقىقتارىن جۇمىس بەرۋشى بۇزعان ازاماتتارعا جالاقىنى ءوندىرىپ الۋ ماسەلەلەرىن تەز شەشۋگە، سوتقا جۇمسالاتىن ۋاقىتى مەن سوت شىعىندارىن ۇنەمدەۋگە مۇمكىندىك بەرەدى.

زاڭ 2020-جىلعى 8- شىلدەدە، العاش رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ كۇشىنە ەندى.