قازاقستان ەكونوميكالىق ءوسىمدى قاشان قالپىنا كەلتىرە الۋى مۇمكىن - ساراپشى پىكىرى

None
None
نۇر- سۇلتان. قازاقپارات - قازاقستان ەكونوميكالىق ءوسىمدى قاشان قالپىنا كەلتىرە الۋى مۇمكىن؟

ق ر پرەزيدەنتى جانىنداعى قسزي- دىڭ الماتى قالاسىنداعى وكىلدىگىنىڭ باسشىسى، ەكونوميكا عىلىمدارىنىڭ دوكتورى اسەل ابەن پرەزيدەنتتىڭ ۇكىمەتتىڭ كەڭەيتىلگەن وتىرىسىنداعى تاپسىرمالارىنا قاتىستى پىكىر ءبىلدىرىپ، وسى سۇراققا جاۋاپ بەردى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا ۇستىمىزدەگى جىلدىڭ ءبىرىنشى جارتىجىلدىعىنداعى الەۋمەتتىك- ەكونوميكالىق دامۋ قورىتىندىلارى جاريالاندى. 2020 -جىلدىڭ باسىنداعى كەڭەيتىلگەن وتىرىستا ۇكىمەت 7 ستراتەگيالىق باعىتتا جۇمىستى جالعاستىرۋعا نيەتتى ەكەنىن حابارلاعان ەدى. ولار: ينۆەستيتسيالار تارتۋ، ونىمدىلىگى جوعارى جۇمىس ورىندارىن قۇرۋ، ينفراقۇرىلىمدى دامىتۋ، ەكسپورتقا باعىتتالعان يندۋستريالاندىرۋ، وتىن- ەنەرگەتيكالىق جانە اگروونەركاسىپتىك كەشەندەر، ەكونوميكانى سيفرلاندىرۋ. نەگىزگى مىندەت - 2020 -جىلدىڭ اياعىندا ەكونوميكالىق ءوسىمدى %4,7-5 قامتاماسىز ەتۋ»، - دەيدى ساراپشى.

ەكونوميكا عىلىمدارىنىڭ دوكتورىنىڭ ايتۋىنشا قازىرگى احۋالعا بايلانىستى بۇل ماقساتقا قول جەتكىزۋ ەندى قيىنعا تۇسپەك. ءار ءتۇرلى حالىقارالىق ۇيىمداردىڭ بولجامدارى بويىنشا، 2020 -جىلى قازاقستاننىڭ ج ءى و مولشەرىنىڭ تومەندەۋى بيىل %1,6-3 ارالىعىندا بولادى. الداعى كەزەڭدەردە الەۋمەتتىك قاشىقتىق ولشەمدەرى كۇندەلىكتى ءومىردىڭ اجىراماس بولىگىنە اينالاتىنىن ەسكەرە وتىرىپ، ىسكەرلىك بەلسەندىلىكتى قالپىنا كەلتىرۋ ۇزاق ۋاقىتتى الاتىنىن اڭعارۋعا بولادى. جىل باسىنان بەرى ەكونوميكالىق ءوسىمنىڭ %1,8 عا تومەندەۋى، قىزمەت كورسەتۋ سەكتورىنداعى %5,6 دىق ەڭ ۇلكەن قۇلدىراۋ بايقالدى. داعدارىسقا دەيىنگى دەڭگەيگە - قولايلى جاعداي بولسا، ياعني ۆيرۋس كۇزدە جاڭادان ورشىمەسە نەگىزگى شيكىزاتقا تۇراقتى باعالارمەن 2021 -جىلدىڭ اياعىندا نەمەسە 2022 -جىلدىڭ باسىندا عانا قول جەتكىزۋگە بولادى.

«قازىرگى ۋاقىتتا مەملەكەت ءوسىمدى شەكتەپ وتىرعان ىندەتتىڭ جاعدايىن تۇراقتاندىرۋ بويىنشا شارالار قابىلداپ جاتىر. وسى ماقساتتا 2020 -جىلدىڭ 5 - شىلدەسىنەن باستاپ 2 اپتالىق كارانتين قايتا ەنگىزىلدى. قوسىمشا 150 ميلليارد تەڭگە ءبولىندى. قاجەتتى ءدارى- دارمەكپەن جانە جابدىقتارمەن قامتاماسىز ەتۋ، توسەك- ورىن سانىن كوبەيتۋ، مەديتسينالىق كادرلارمەن قامتاماسىز ەتۋ ءۇشىن قوسىمشا رەسۋرستار قۇرۋ ماقساتتارى ايقىندالدى»، - دەيدى ول.

اسەل ابەن ەكونوميكانى قولداۋ تۇرعىسىندا داعدارىسقا قارسى شارالار كەشەنى دە جۇزەگە اسىرىلىپ جاتقانىن، ولاردىڭ جيىنتىق پاكەتى سالىقتىق پرەفەرەنتسيالار مەن جەرگىلىكتى دەڭگەيدە قولداۋدى ەسەپتەمەگەندە شامامەن 5,9 ترلن تەڭگە قۇرايتىنىن ايتادى. داعدارىسقا قارسى بەلسەندى شارالار قاتارىنا «جۇمىسپەن قامتۋدىڭ جول كارتاسىن» ىسكە اسىرۋدى، «قاراپايىم زاتتار ەكونوميكاسى» باعدارلاماسى بويىنشا ينۆەستيتسيالىق جوبالارعا جەڭىلدەتىلگەن نەسيە بەرۋدى، حالىققا كىرىستەردىڭ جوعالعانى ءۇشىن تولەمدەردى، ەكونوميكانىڭ زارداپ شەككەن سالالارىنداعى شاعىن جانە ءىرى بيزنەستىڭ شىعىندارىن وتەۋدى، اگروونەركاسىپتىك كەشەندى سۋبسيديالاۋدى، پايىزدىق مولشەرلەمەلەردى سۋبسيديالاۋدى ەنگىزۋگە بولادى. «بيزنەستىڭ جول كارتاسى» باعدارلاماسى بويىنشا قارىزدارعا كەپىلدىك بەرۋ، الەۋمەتتىك تولەمدەردى قوسىمشا يندەكستەۋ جەڭىلدىكتەرى دە بار.

«سونداي- اق وسى جىلدىڭ مامىر ايىندا ۇكىمەت مەملەكەت باسشىسىنىڭ تاپسىرماسىمەن ازىرلەنگەن 2020 -جىلدىڭ سوڭىنا دەيىن ەكونوميكالىق ءوسىمدى قالپىنا كەلتىرۋدىڭ كەشەندى جوسپارىن بەكىتتى. كەشەندى جوسپاردىڭ نەگىزگى شارالارىنا سالىقتىق جەڭىلدىكتەر، نەسيە كولەمىن كەڭەيتۋ، ينفراقۇرىلىمدى دامىتۋ، وتاندىق ءوندىرىستى قولداۋ، جۇمىسپەن قامتۋ جانە باسقا شارالار كىرەدى. كەشەندى جوسپاردا داعدارىس كەزىندە ەڭ كوپ زارداپ شەككەن سالالار (تۋريزم، لوگيستيكا، ازاماتتىق اۆياتسيا، شوب سەكتورى جانە ت. ب. ) ، جانە ءوسىمنىڭ نەگىزگى قوزعاۋشى كۇشى بولۋى مۇمكىن سالالاردى ء(وندىرىس، تاۋ- كەن، مەتاللۋرگيا جانە اگروونەركاسىپتىك كەشەندەر) قولداۋعا باعىتتالعان. وعان قوسا، ماۋسىمدا بيزنەستى قولداۋ بويىنشا قوسىمشا شارالار قابىلداندى. ونىڭ ىشىندە مەملەكەتتىك ساتىپ الۋ، قازىناشىلىق جۇرگىزۋ، اۋىلشارۋاشىلىق تەحنيكالارىن ليزينگ جانە ەكسپورتقا تاۋارلاردى جىلجىتۋ سياقتى بيزنەستىڭ اعىمداعى ماسەلەلەرىن شەشۋگە باعىتتالعان 43 شارا قابىلداندى»، - دەيدى ساراپشى.

ساراپشى ۇكىمەتتىڭ كەڭەيتىلگەن وتىرىسىندا مەملەكەت باسشىىس داعدارىسقا قارسى شارالارعا قاراجاتتىڭ بارىن ايتقانىن ەسكە سالدى.

«سونىمەن قاتار، قاسىم- جومارت توقايەۆ مەملەكەتتىك بيۋدجەتتىڭ تۇراقتىلىعى ماسەلەسىنە نازار اۋداردى. كارانتين مەن مۇنايدىڭ ارزانداۋى مەملەكەتتىك بيۋدجەتتىڭ كىرىستەرىنىڭ كۇرت تومەندەۋىنە اكەلدى. ونىڭ شىعىنى 1,7 تريلليون تەڭگەگە باعالانادى. وسىعان بايلانىستى 2021 -جىلعا ارنالعان بيۋدجەت شىعىستارىن وڭتايلاندىرۋ بويىنشا جۇمىستار باستالدى. شىعىندار 1,6 تريلليون تەڭگەگە ازايتىلادى دەپ جوسپارلانۋدا. سونىمەن بىرگە، پرەزيدەنت 2021 -جىلدان باستاپ ۇلتتىق قوردان بەرىلەتىن ترانسفەرتتەر تەك ماقساتتى باعىتتا بولۋعا جانە تەك الەۋمەتتىك ماسەلەلەردى شەشۋگە جانە ينفراقۇرىلىمدى دامىتۋعا باعىتتالۋى كەرەك دەپ اتاپ ءوتتى. بيىل داعدارىسقا بايلانىستى ۇلتتىق قوردان كەپىلدەندىرىلگەن ترانسفەرت 4,7 تريلليون تەڭگەگە دەيىن ۇلعايتىلدى. جىل جاقسى ناتيجەمەن اياقتالار دەگەن ۇمىتتەمىز»، - دەدى اسەل ابەن.


سوڭعى جاڭالىقتار