قوستانايلىقتارعا ورمانعا كىرۋگە تىيىم سالىندى

ايماقتا ءورت قاۋپىنىڭ جوعارى دەڭگەيى جاريالاندى. ورمان القاپتارىندا كەزەكشىلىك كۇشەيتىلدى. تابيعات اياسىنداعى دەمالىسقا تولىق تىيىم سالىندى.

جىل باسىنان وڭىردە 13 ورمان ءورتى تىركەلگەن. سونىڭ جارتىسى ادامداردىڭ بەيقامدىعىنان بولىپ وتىر. قالعانى نايزاعاي ءتۇسىپ تۇتانعان. بارلىعى 7 گەكتار ورمان القابى وتقا وراندى. ونىڭ نەگىزگى بولىگى ءسوندىرىلدى. قازىر جاياۋ توپ ءار جەردە بىقسىعان شوقتارىن سۋ قۇيىپ، ءوشىرىپ ءجۇر.

رۋسلان تۇلكىبايەۆ، وبلىستىق ت ج د اعا ينجەنەرى:

- ءورتتى سوندىرۋگە 4 تەحنيكا، 19 ادام تارتىلدى. جانىپ جاتقان جەرگە ءوتۋ قيىن بولدى. سۋدى 10 ليترلىك شاعىن ىدىسپەن تاسۋعا تۋرا كەلدى. ورمانعا جاقىن ورنالاسقان ەلدى مەكەندەردە 28 ءورت بەكەتتەرى ورناتىلدى. ولار 96 اۋىلدىڭ ءورت قاۋىپسىزدىگىن باقىلايدى.