جۇقپالى اۋرۋلار ستاتسيونارلارى بىرنەشە دەڭگەيگە بولىنەدى - الەكسەي سوي

None
None
نۇر- سۇلتان. قازاقپارات - جۇقپالى اۋرۋحانالار ەكى دەڭگەيلى اعىنعا بولىنەدى. بۇل تۋرالى دەنساۋلىق ساقتاۋ ءمينيسترى الەكسەي سوي مالىمدەدى، دەپ حابارلايدى قازاقپارات ءتىلشىسى.

«ەندى ءبىز دەنساۋلىق ساقتاۋ ۇيىمدارىنىڭ قۇرىلىمىن قايتا قاراستىرامىز. كارانتيندىك اۋرۋحانالار بولمايدى، ويتكەنى ولار جاتىپ ەمدەلۋگە باعىتتالعان. الداعى اپتادا پروۆيزورلىق جانە جۇقپالى ستاتسيونارلار جاقىن ارادا ءبىرىنشى جانە ەكىنشى دەڭگەيلى اعىمداعى دەپ بولىنەتىن جۇقپالى اۋرۋلار ستاتسيونارى بولىپ اۋىسادى. ءبىرىنشى دەڭگەي - جۇقپالى اۋرۋلار اۋرۋحانالارى، وندا جاساندى تىنىس الۋ اپپاراتىنىڭ سانى ارتادى جانە ينفەكسيالىق اۋرۋلاردى ەمدەيتىن نەگىزگى ماماندار سوندا بولادى. ەكىنشى دەڭگەي - سالىستىرمالى تۇردە اۋرۋدىڭ جەڭىل ءتۇرىن ەمدەيتىن كلينيكا بولادى»، - دەيدى الەكسەي سوي.

ونىڭ ايتۋىنشا، تەست وڭ ناتيجە كورسەتكەن ناۋقاستار مەن وسىعان ۇقساس دياگنوزى بار ناۋقاستار ءارتۇرلى قاباتتا جاتادى. «جوعارى قاباتتاردا Covid-19 راستالعان ناۋقاستار جاتسا، استىڭعى قاباتتاردا پنيەۆمونيامەن جاتقان ناۋقاستار اۋرۋ دەڭگەيىنە قاراي ءبولىنىپ جاتادى»، - دەيدى ول.

اۆتور: زارينا قاھارمان

سوڭعى جاڭالىقتار