الماتى وبلىسىندا كارانتين: دۇكەن مەن ءدارىحانادان باسقانىڭ ءبارى جابىلادى

ياعني ازىق- تۇلىك دۇكەندەرى مەن ءدارىحانالاردان باسقا مەكەمەلەردىڭ ءبارى جابىلادى، دەپ حابارلايدى قازاقپارات ءتىلشىسى.

تۇرعىندار دا سىرتتا سەبەپسىز جۇرۋگە بولمايدى. ەگەر ءتارتىپ ساقتالماسا ايىپپۇل سالىنادى. ونىمەن قوسا، دەمالىس كۇندەرى قوعامدىق كولىكتەردىڭ دە جۇمىسى توقتايتىن بولدى. ال بەس كۇن بۇرىن ەلىمىزدە ەنگىزىلگەن قاتاڭ وقشاۋلاۋ شارالارى ايماقتا از بولسا دا ناتيجەسىن بەرىپ جاتىر.

ويتكەنى وتكەن اپتادا ۆيرۋستىڭ تارالۋى 4,4 پايىز بولعان بولسا، قازىرگى ۋاقىتتا كورسەتكىش 3,4 پايىزدى قۇرايدى.

«2020 -جىلعى 11 جانە 12-شىلدەدە قوعامدىق كولىكتىڭ، سونداي-اق بارلىق وبەكتىلەردىڭ قىزمەتىن توقتاتا تۇرۋدى قامتاماسىز ەتۋ. وبلىستىڭ كوممۋنالدىق قىزمەتتەرى مەن ينفراقۇرىلىمدارى (ەلەكتر ەنەرگەتيكالىق كومپانيالار، سۋمەن جابدىقتاۋ/جىلۋمەن جابدىقتاۋ، ورتكە قارسى جانە اۆاريالىق- قۇتقارۋ قىزمەتتەرى، تۇرعىن ءۇي قورىن باسقارۋ سالاسىنداعى قىزمەتتەر (ەلەكتريكتەر، سانتەحنيكا، اۋلالار مەن ءۇي- جايلاردى جيناۋ، اۆاريالىق قىزمەت، ونىڭ ىشىندە ليفتىلەرگە قىزمەت كورسەتۋ) ، كوشەلەر مەن ءۇي- جايلاردى جيناۋ، قوقىس پەن قالدىقتاردى جيناۋ، وڭدەۋ جانە كادەگە جاراتۋ، دەزينفەكتسيالىق قىزمەتتەر، جول قوزعالىسىن رەتتەۋمەن تەحنيكالىق قۇرالدارىنىڭ جۇمىس ىستەۋىن قامتاماسىز ەتەتىن ۇيىمدار»، - دەلىنگەن الماتى وبلىسىنىڭ باس مەملەكەتتىك سانيتارلىق دارىگەرىنىڭ ورىنباسارىنىڭ شىعارعان N20- قاۋلىسىندا.