09:14, 11 - شىلدە 2020 | GMT +6
اۋاعا بەلگىسىز زات تاراتقان ۇشاق تۋرالى ۆيدەو قازاقستاندا تۇسىرىلگەنى راس پا
نۇر-سۇلتان. قازاقپارات - وسىعان دەيىن الىپ ۇشاقتىڭ اۋاعا بەلگىسىز زات تاراتقان ۆيدەوسى «قازاقستاندا بولعان جاعداي» دەگەن جازۋمەن الەۋمەتتىك جەلىگە تاراپ كەتكەن بولاتىن.
اقپارات جانە قوعامدىق دامۋ مينيسترلىگى بۇل جالعان اقپاراتقا نۇكتە قويدى، دەپ حابارلايدى قازاقپارات ءتىلشىسى مينيسترلىكتىڭ Telegram-ارناسىنا سىلتەمە جاساپ.
«ابايلاڭىز، جالعان اقپارات! الەۋمەتتىك جەلىلەردە ۇشاقتان قىزىل ءتۇستى بەلگىسىز زاتتى اسپاننان شاشقان ۇشاقتىڭ ۆيدەوسى تاراپ ءجۇر. ول ۆيدەونىڭ قازاقستاندا تۇسىرىلگەنى تۋرالى جالعان اقپارات تاراپ كەتكەن. قولداعى مالىمەت بويىنشا، بۇل ۇشاق اقش- قا تيەسىلى. ال اۋاعا شاشىلعان قىزىل ءتۇستى زات - ءورت سوندىرۋگە ارنالعان»، - دەلىنگەن حابارلامادا.
اقپارات جانە قوعامدىق دامۋ مينيسترلىگى جالعان اقپارات تاراتقاندار جاۋاپكەرشىلىككە تارتىلاتىنىن ەسكەرتەدى.