شەشىم بۇكىل وقۋ جىلى بويى كۇشىندە بولادى - مينيستر مەكتەپ فورماسىنىڭ مىندەتتەلمەۋى جايلى

None
None
نۇر-سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ مەكتەپ فورماسىن وقۋشىلارعا مىندەتتەمەۋ تۋرالى شەشىمگە نە سەبەپ بولعانىن ءتۇسىندىردى، مەكتەپ فورماسىنىڭ مىندەتتەلمەۋى جايلى.

«ەگەر ءبىز ءدال قازىرگى ۋاقىتتا بۇل شەشىمدى قابىلداساق، اتا-انالاردىڭ ەكونوميكالىق جاعدايىن دا ەسكەرىپ وتىرمىز. قازىر اتا- انالاردىڭ ءبىرازى ەكونوميكالىق قيىندىقتى وتكەرىپ جاتقانىن ايتقاندىقتان، مەكتەپ فورماسى قالتاسىنا سالماق بولىپ تۇسەتىندىكتەن، ءبىز ءدال وسى بيىلعى وقۋ جىلىندا وسىنداي شەشىمدى قابىلدادىق. ۋاكىلەتتى ورگان رەتىندە بيىلعى وقۋ جىلىندا مەكتەپ فورماسىن كيۋ مىندەتتەلمەيتىنىن جاريا ەتسەك، ياعني مينيستر رەتىندە وسى جاۋاپكەرشىلىكتى ءوز موينىما الار بولسام، وندا بيىلعى وقۋ جىلى - ءداستۇرلى بولسا دا، قاشىقتان بولسا دا بۇل شەشىم كۇشىندە بولادى»، - دەدى اسحات ايماعامبەتوۆ ءبىلىم جانە عىلىم مينيسترلىگىنىڭ ونلاين فورماتتاعى تىلشىلەرمەن كەزدەسۋىندە.

ءمينيستردىڭ ايتۋىنا قاراعاندا ەگەر بيىلعى وقۋ جىلىنىڭ باسىندا نەمەسە ورتاسىندا مەكتەپ وقۋشىلارى ءداستۇرلى وقۋ سيپاتىنا ورالسا، مۇعالىمدەر ءبارىبىر دە بالالاردان مەكتەپ فورماسىن كيۋدى مىندەتتەي المايتىنىن جەتكىزدى.

«بۇل شەشىم بۇكىل وقۋ جىلى بويى كۇشىندە بولادى. ال ەگەر وقۋشىلاردىڭ كەيبىرىندە مەكتەپ فورماسى بولسا، وندا كيۋىنە مارحابات»، - دەدى ول.

ەسكە سالا كەتسەك اسحات ايماعامبەتوۆ قازاقستاندا الداعى وقۋ جىلىندا وقۋشىلارعا مەكتەپ فورماسىن كيۋ مىندەتتەلمەيتىنىن حابارلاعان ەدى.

سوڭعى جاڭالىقتار