ساعىنتايەۆ: جاقىندا «حالىق ارەنا» العاشقى پاتسيەنتتەردى قابىلدايدى - فوتو

None
None
الماتى. قازاقپارات - قالا اكىمى باقىتجان ساعىنتايەۆ Instagram پاراقشاسىندا Halyk Arena گوسپيتالىندە دايىندىق قالاي ءجۇرىپ جاتقانىن جازدى، دەپ حابارلايدى قازاقپارات ءتىلشىسى.

اكىم جالپى قالاداعى ينفەكتسيالىق جانە پروۆيزورلىق اۋرۋحانالارعا قوسىمشا ورىندار ۇيىمداستىرۋ تۋرالى جازدى.

«قالاداعى جۇقپالى جانە پروۆيزورلىق ستاتسيونارلار ءۇشىن قوسىمشا اشىلۋعا ءتيىس ورىنداردىڭ ۇيىمداستىرۋ بارىسىمەن تانىستىم. Halyk Arena-دا 1 مىڭ ورىنعا ارنالعان ستاتسيونار اشىلادى. سونىڭ ىشىندە رەانيماتسيالىق 60 ورىن اشىلادى. دايىندىق بارىسىندا سانيتارلىق قاۋىپسىزدىكتىڭ ەڭ قاتاڭ تالاپتارى ەسكەرىلەدى. تازا جانە لاس ايماقتارعا ارنالعان شليۋزدەر مەن تۋننەلدەر، جەلدەتۋ جانە زالالسىزداندىرۋ جۇيەلەرى ورناتىلدى. كەزەڭ- كەزەڭىمەن مەديتسينالىق جابدىقتار ورناتىلادى. دارىگەرلىك بريگادالار دايىندالۋدا. جاقىندا ارادا بۇل جەر العاشقى پاتسيەنتتەردى قابىلدايدى»، - دەدى ب. ساعىنتايەۆ.


سونداي-اق، جاقىندا جاربوسىنوۆ اتىنداعى ۋرولوگيا ۇ و-ى بازاسىندا 150 ورىنعا ارنالعان ينفەكتسيالىق ستاتسيونار اشىلاتىن بولادى. بۇگىندە قوعامدىق دەنساۋلىق باسقارماسى ورنالاسقان و ق ك كورپۋسىندا قوسىمشا ورىندار اشىلادى. سونداي-اق جۇقپالى اۋرۋلار اۋرۋحاناسىندا دا قوسىمشا ورىندار اشۋ كوزدەلگەن. №4-پەرزەنتحانانىڭ جاڭا عيماراتىن پايدالانۋعا بەرۋ تەزدەتىلەدى. پسيحونەۆرولوگيالىق ورتالىقتىڭ قۇرىلىسى اياقتالۋعا جاقىن. ءبىر ايدان كەيىن بۇل جەر جۇقپالى اۋرۋلار ستاتسيونارىنا اينالادى. وسى ارالىقتا باسقا دا نىساندار، سونىڭ ىشىندە قوناق ۇيلەر، ساناتورييلەر مەن جاتاقحانالار دايىن بولادى.

«قابىلدانعان شارالاردىڭ ارقاسىندا مەملەكەت باسشىسىنىڭ تاپسىرماسىنا سايكەس قاجەتتى ورىندار رەزەرۆى قۇرىلاتىن بولادى»، - دەدى ول. بۇگىندە الماتىدا قاۋىپتى ىندەتتى جۇقتىرعان ناۋقاستاردى ەمدەۋ ءۇشىن 4669 ورىنعا ارنالعان 21 مەديتسينالىق ۇيىم جۇمىس ىستەيدى.



سوڭعى جاڭالىقتار