مەديسينالىق ۇيىمداردىڭ جۇمىسىن قاداعالايتىن حالىقتىق باقىلاۋ قۇرامىز - الەكسەي سوي
«دوستار، Facebook-تەن ايدا بوقايەۆانىڭ ۇندەۋىن كوردىم. الەۋمەتتىك جەلى قولدانۋشىلارى ونىڭ بايلانىس ءنومىرىن بەردى. وعان حابارلاستىم»، - دەپ جازدى دەنساۋلىق ساقتاۋ ءمينيسترى Facebook - تەگى پاراقشاسىندا.
ونىڭ ايتۋىنشا، ايدا بوقايەۆا بىرنەشە اي بويى قوعامدىق باستامالارعا قاتىسىپ، اۋرۋحاناداعى دارىگەرلەرگە كومەكتەسىپ، ناۋقاستارعا قامقور بولىپ، ەدەن جۋىپ، سۋسىن اكەلەدى.
«ول اۋرۋحانادا دارىگەرلەر قالاي ەرلىكپەن جۇمىس ىستەپ جۇرگەنىن، سوناي- اق جۇمىس بارىسىندا كەزدەسەتىن ماسەلەلەر تۋرالى دا ايتتى. مۇندايعا بەي- جاي قارامايتىن ادامدار ماعان حالىققا جاعداي قالاي بولىپ جاتقانىن كورسەتۋ، ەمدەۋ بويىنشا ۇسىنىمدار جانە دۇرىستاپ كومەك كورسەتۋ تۋرالى وتىنىشتەرىن ايتادى. ءبىز مەديتسينالىق مەكەمە ىشىندە نە بولىپ جاتقانىن قارايتىن ادامداردان حالىقتىق باقىلاۋ قۇرامىز دەپ كەلىستىك. بۇل جاعداي قالاي بولىپ جاتقانىن باعالاۋ ءۇشىن، قالاي كومەكتەسۋگە بولاتىنى تۋرالى ۇسىنىم جاساۋ، ءدارى- دارمەك جەتكىلىكتى مە ەكەنىن باقىلاۋ، ناۋقاستارعا قالاي قىزمەت كورسەتىلەتىنىن قاراۋ، باسشىلىق ۇجىم مەن ناۋقاستارعا قالاي كوڭىل بولەتىنىن باقىلاۋ ءۇشىن قاجەت»، - دەيدى الەكسەي سوي.
سونداي- اق، ول قاجەت بولعان جاعدايدا، اسىرەسە جەمقورلىق جانە قايتا ساتۋ سيپاتتى جاعدايلار بويىنشا قاتاڭ شارالار قولداناتىنىن جەتكىزدى.
«ايدا بۇل جۇمىستى ءوز قولىنا الىپ، ايماقتاردى ارالاۋعا ءازىر ەكەنىن ءبىلدىردى. ءبىز ايماقتار بويىنشا وسىنداي جۇمىسقا ءوز ەركىمەن قاتىسۋعا دايىن مەيىرىمدى جانداردى ىزدەيمىز. ۇلتتىق ۆولونتەرلەر جۇيەسى وسى جوباعا قاتىسۋعا نيەت ءبىلدىردى. مەديتسينالىق مەكەمەلەرگە كىرۋدى ءبىز قامتاماسىز ەتەمىز. سوڭىندا جاعدايدى جاقسارتۋ بويىنشا ناقتى شەشىم قابىلدايمىز. قازىرگى ۋاقىتتا قوعام جاعدايدى تۇراقتاندىرۋ ءۇشىن باس بىرىكتىردى جانە بۇل ۇلكەن ءۇمىت وياتادى»، - دەيدى ول.
اۆتور: زارينا قاھارمان