بەيجىڭ ماڭىندا جەر سىلكىندى: پويىزدار توقتاپ قالدى

جەر ءدۇمپۋىنىڭ وشاعى - 39,78 س. ە. 118,44 ش. ب. تەرەڭدىگى 10 شاقىرىم. ازىرگە زارداپ شەككەندەر تۋرالى اقپارات تۇسپەگەن. قىتاي تەمىرجول مينيسترلىگىنىڭ تاپسىرماسىنا سايكەس، جولاۋشىلار پويىزىنىڭ قوزعالىس قاۋىپسىزدىگىن قامتاماسىز ەتۋ ماقساتىندا وسى ءوڭىر ارقىلى وتەتىن پويىزدار ۋاقىتشا توقتاتىلدى.

تەمىرجول ينفراقۇرىلىمىن كەشەندى تەكسەرۋ ۇيىمداستىرىلدى. تانشان قالاسىنداعى 5,1 بالل جەر سىلكىنىسىنەن كەيىن حەبەي پروۆينسياسىمەن كورشىلەس تيانجين قالاسىندا 17 مارتە جەراستى ءدۇمپۋى تىركەلگەن، دەپ حابارلايدى تيانجين سەيسمولوگيا باسقارماسى جەر سىلكىنىسىن باقىلاۋ جانە بولجاۋ ورتالىعى.

تيانجين قالاسىنىڭ بيلىگى جەرگىلىكتى تۇرعىنداردى ۇرەيلەنبەۋگە شاقىرىپ، تانشان قالاسى اۋدانىندا سەيميكالىق بەلسەندىلىك قالىپتى دەڭگەيدە ەكەنىن اتاپ ءوتتى.

اۆتورى: رۋسلان سۇلەيمەنوۆ