اقتوبە اۋرۋحاناسىنىڭ باس دارىگەرىن ارىپتەستەرى اقتىق ساپارعا شىعارىپ سالدى - فوتو
«ءار قازاق مەنىڭ جالعىزىم» دەپ سوققان تاعى ءبىر جۇرەك توقتادى. وكىنىشتى. وتباسىنا، اعايىن- تۋىسىنا قايعىرا كوڭىل ايتامىز! ءسىز بىزگە كاسىبي بىلىكتىلىگىڭىزبەن قاتار، ادالدىق، ادامدىق قاسيەتتەرىڭىزبەن ۇلگى بولدىڭىز، ەندى ماڭگى جۇرەگىمىزدەسىز»، - دەپ جازدى حرومتاۋ اۋداندىق اۋرۋحاناسىنىڭ ۇجىمى.
قاليحان قوزباعاروۆتىڭ ارىپتەستەرى كارانتين رەجيمىن ساقتاپ، ونى سوڭعى ساپارعا شىعارىپ سالدى. باس دارىگەردىڭ قازاسىنا وراي وبلىس اكىمى وڭداسىن ورازالين دە كوڭىل ايتتى.
«وبلىسىمىزدىڭ بەتكە ۇستار ازاماتى، اق حالاتتى ابزال جان، ينفەكسيالىق اۋرۋحانانىڭ باس دارىگەرى قوزباعاروۆ قاليحان ەسبوسىن ۇلىنىڭ مەزگىلسىز قايتىس بولۋىنا بايلانىستى قايعىرىپ كوڭىل ايتامىن. قوزباعاروۆ قاليحان ەسبوسىن ۇلى ەڭبەك جولىنىڭ كوپ جىلدارىن وبلىسىمىزدىڭ مەديتسينا سالاسىن دامىتۋعا جانە ايماق تۇرعىندارىنىڭ دەنساۋلىعىن جاقسارتۋعا ارنادى. انتىنا ادالدىق تانىتىپ، الەمدى جايلاعان ىندەتپەن كۇرەس جۇرگىزۋ جولىندا ءوز باسىن قاتەرگە تىگىپ، بار كۇش-جىگەرىن جۇمساپ قانشاما جاننىڭ ءومىرىن ساقتاپ قالدى.
مەملەكەت باسشىسى قاسىم- جومارت توقايەۆ كەشەگى ۇكىمەت وتىرىسىندا «دارىگەرلەرىمىزدىڭ دەنساۋلىعىن ساقتاۋ، ولاردىڭ جۇمىسقا قابىلەتتىلىگى مەن ىنتاسىن ارتتىرۋ - وتە ماڭىزدى» دەگەن بولاتىن. كوزگە كورىنبەيتىن مايداندا ايانباي كۇرەسىپ جۇرگەن دارىگەرلەردىڭ ەڭبەگى ولشەۋسىز. ءبىز دە ءوز تاراپىمىزدان وبلىسىمىزدىڭ دارىگەرلەرىنە جان- جاقتى قولداۋ كورسەتۋ ءۇشىن ءبىرقاتار شارالاردى قابىلدادىق»، - دەپ جازدى وبلىس باسشىسى الەۋمەتتىك جەلىدەگى پاراقشاسىندا.
و. ورازالين اتاپ وتكەندەي، قاليحان ەسبوسىن ۇلى كوپشىلىككە قامقور اعا، قوعام مەن ۇجىمداستارى اراسىندا سىيلى، ەلى سۇيەتىن ۇلاعاتتى جان بولدى.
«جان- جاعىنا مەيىرىم شاپاعاتى مول، جۇرەگى جىلۋلىققا تولى، بىلىكتى باسشى قاليحان ەسبوسىن ۇلىنىڭ ىزگىلىكتى ىستەرى مەن جارقىن بەينەسى جادىمىزدا ماڭگى ساقتالادى. ارتىندا قالعان اۋلەتىنە، تۋما- تۋىستارىنا اماندىق، توزىمدىلىك پەن سابىرلىق تىلەيمىن»، - دەدى اقتوبە وبلىسىنىڭ اكىمى. قاليحان قوزباعاروۆ بيىل 60 جاسقا تولار ەدى.
