ەرحات ەسقاليەۆ «س ق- فارماتسيا» ج ش س باسقارما ءتوراعاسى بولىپ تاعايىندالدى

None
None
نۇر-سۇلتان. قازاقپارات – ق ر پرەمەر- ءمينيسترىنىڭ كەلىسىمىمەن ەرحات ەسقاليەۆ «س ق- فارماتسيا» ج ش س باسقارما ءتوراعاسى قىزمەتىنە تاعايىندالدى، دەپ حابارلايدى قازاقپارات ق ر پرەمەر-ءمينيسترىنىڭ باسپا ءسوز قىزمەتىنە سىلتەمە جاساپ.

ەسكە سالا كەتسەك، مەملەكەت باسشىسى قاسىم-جومارت توقايەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا م ءا م س قورى مەن «س ق فارماتسيا» باسشىلارىن جۇمىستان شىعارۋدى تاپسىرعان بولاتىن.

«تۋىنداعان قيىندىققا كىنالىلەردىڭ بارىنە قاتىستى تەرگەۋ جۇرگىزۋ كەرەك. جاۋاپكەرشىلىككە تارتقان دۇرىس. م ءا م س قورى مەن «س ق فارماتسيا» باسشىلارى جۇمىستان شىعارىلسىن. كەرەك بولسا تەرگەۋ جۇرگىزگەن ءجون»، - دەدى قاسىم-جومارت توقايەۆ. مەملەكەت باسشىسىنىڭ قاتىسۋىمەن وتكەن قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىنىڭ قورىتىندىسى بويىنشا: قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2020 -جىلعى 10-شىلدەدەگى بۇيرىعىمەن بەرىلگەن ءوتىنىش نەگىزىندە جانە قازاقستان رەسپۋبليكاسىنىڭ پرەمەر- ءمينيسترىنىڭ كەلىسىمى بويىنشا «س ق- فارماتسيا» ج ش س-نىڭ باسقارما ءتوراعاسى بەرىك ءشارىپ قىزمەتىنەن بوساتىلدى.

ەرحات سەرىك ۇلى 1976 -جىلى الماتى قالاسىندا تۋعان. «براتيەۆ كاريچ» ۋنيۆەرسيتەتىنىڭ بانك ءىسى جانە ساۋدا اكادەمياسىن، «ادىلەت» جوعارى قۇقىق مەكتەبىن، حالىقارالىق بيزنەس اكادەمياسىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، حالىقارالىق بيزنەس مەكتەبىن بىتىرگەن.

1999 -جىلدان 2003 -جىل ارالىعىندا اتىراۋ وبلىسى اكىمدىگىنىڭ، مەملەكەتتىك كىرىس مينيسترلىگىنىڭ، قارجى مينيسترلىگىنىڭ، «قازاقستان تەمىر جولى» ۇلتتىق كومپانياسىنىڭ قۇرىلىمىندا جۇمىس ىستەدى.

2003-2006 ج ج. - «قازاقستاننىڭ دامۋ بانكى» ا ق باسقارۋشى ديرەكتورى.

2006-جىلدان 2008 -جىل ارالىعىندا «ق د ب- ليزينگ» اق باسقارما ءتوراعاسى بولدى.

2008-2009 ج ج. - «قازتەمىرترانس» پرەزيدەنتى.

2009 -جىلدان 2010 -جىل ارالىعىندا – ق ر يندۋستريا جانە ساۋدا مينيسترلىگىنىڭ ۆيتسە-ءمينيسترى.

2010-2011 ج ج. - «قازاقستان تەمىر جولى» ۇلتتىق كومپانياسى» ا ق پرەزيدەنت كەڭەسشىسى. 2011 -جىلدان 2013 -جىل ارالىعىندا - «قازاقستان تەمىر جولى» ۇلتتىق كومپانياسى» ا ق لوگيستيكا جونىندەگى ۆيتسە-پرەزيدەنتى.

2013-2015 ج ج. - «KAZLOGISTICS» قازاقستان كولىك وداعى» ز ت ب باس ديرەكتورى. 2015 -جىلدان 2016 -جىل ارالىعىندا «بىرىككەن كولىك- لوگيستيكالىق كومپانيا» ا ا ق ءبىرىنشى ۆيتسە- پرەزيدەنتى بولىپ ەڭبەك ەتتى.

2016-2018 ج ج. - «سامۇرىق- قازىنا» ۇلتتىق ءال- اۋقات قورى» كولىك جانە لوگيستيكا» سالالىق ديرەكسياسىنىڭ ديرەكتورى».

2018 -جىلدىڭ مامىر ايىنان قازىرگى ۋاقىتقا دەيىن ۇلتتىق كاسىپكەرلەر پالاتاسىنىڭ كولىك لوگيستيكاسى ىشكى كوميتەتىنىڭ ءتوراعاسى قىزمەتىن اتقاردى.

سوڭعى جاڭالىقتار