ايماعامبەتوۆ: ديرەكتوردا ءۇش ورىنباسار، ەكى ەسەپشى بولا ما ءبارىبىر - بىزگە كەرەگى ءبىلىم ساپاسى
«ءبىلىم بەرۋ ۇيىمدارىندا تيپتىك شتاتتار مىندەتتى بولماۋى ءتيىس. ويتكەنى جان باسىنا شاققانداعى قارجىلاندىرۋ دەگەن - ءبىر بالاعا شاققاندا قارجى بەرىپ، مەكتەپ باسشىلىعى مەن قامقورلىق كەڭەسىنىڭ قولىن بوساتۋىمىز كەرەك. ويتكەنى مەكتەپ باسشىسى ەكى نەمەسە ءۇش ورىنباسارى، ەكى ەسەپشىسى بولا ما - ءوزى شەشۋى كەرەك. ءبىز ونى قالاي بولسا دا ءۇش ورىنباسار بولۋى كەرەك دەپ مىندەتتەمەۋگە ءتيىسپىز. ەگەر ۇنەمدەگىسى كەلسە - ءوز ەركى. ءبىر ورىنباسارى بولسا دا ءبارىبىر. بىزگە كەرەگى - ءبىلىم ساپاسى»، - دەدى اسحات ايماعامبەتوۆ ءبىلىم جانە عىلىم مينيسترلىگىنىڭ اپپاراتتىق وتىرىسىندا.
مينيستر جاۋاپتى قىزمەتكەرلەرگە وسى ماسەلەنى قىسقا مەرزىمنىڭ ىشىندە شەشۋدى تاپسىردى. ەسكە سالا كەتسەك، بۇعان دەيىن اسحات ايماعامبەتوۆ جان باسىنا قارجىلاندىرۋ جۇيەسىمەن جۇمىس جۇرگىزبەگەن ءبىلىم باسقارمالارىنىڭ باسشىلارىن سىنعا العان ەدى.
اۆتور: ايان بەكەن ۇلى