قۋات حاميتوۆتىڭ داۋلى ۆيدەوسىنا ىشكى ىستەر مينيسترلىگىنىڭ وكىلى پىكىر ءبىلدىردى

None
None
نۇر-سۇلتان. قازاقپارات - ىشكى ىستەر مينيسترلىگى قازاقستاندىق سپورتشى قۋات حاميتوۆتىڭ اتىشۋلى بەينەجازباسىنا پىكىر ءبىلدىردى، دەپ حابارلايدى قازاقپارات ءتىلشىسى.

«مەن سپورتشى قۋات حاميتوۆتىڭ ۆيدەوسىنا پىكىر بىلدىرگىم كەلەدى. ول الەۋمەتتىك جەلىدەگى پاراقشاسىندا زورلىق-زومبىلىققا شاقىراتىن ۇندەۋ جاريالاعان. بۇل زاڭدى ورەسكەل بۇزۋ جانە قىلمىس بولىپ سانالادى. ىشكى ىستەر مينيسترلىگى ازاماتتاردى جالعان اقپارات تاراتپاۋعا، مەملەكەتتىك ورگانداردىڭ رەسمي دەرەكتەرىنە عانا سەنۋگە شاقىرادى. زاڭ بۇزىلعان جاعدايدا اكىمشىلىك جانە قىلمىستىق جاۋاپكەرشىلىك قاراستىرىلاتىنىن ەستە ساقتاعان ءجون»، - دەدى ق ر ءى ءى م رەسمي وكىلى ءنۇردىلدا وراز ونلاين بريفينگتە.

بۇعان دەيىن سپورتشى قۋات حاميتوۆتىڭ الماتى قالالىق پوليتسيا دەپارتامەنتىنە جەتكىزىلگەنى حابارلانعان ەدى. الەۋمەتتىك جەلىگە مونيتورينگ جۇرگىزۋ بارىسىندا ازامات ق. حاميتوۆتىڭ زورلىق- زومبىلىققا شاقىرعان ۆيدەوسى انىقتالدى. اتالعان دەرەك ق ر ق ك-نىڭ 272-بابى 3-بولىگى بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە تىركەلگەن.

اۆتور: ايجان سەرىكجان قىزى


سوڭعى جاڭالىقتار