قازاقستاننىڭ ماشينا جاساۋ كاسىپورىندارى قاي ەلدەرگە ءونىم ەكسپورتتايدى

بۇل تۋرالى قازاقستان ماشينا جاساۋشىلارىنىڭ VIII فورۋمىندا ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.

«مەملەكەتتىك يندۋستريالىق باعدارلامانى ىسكە اسىرۋ ناتيجەسىندە ماشينا جاساۋ وڭدەۋ ونەركاسىبى ءوسىمىنىڭ درايۆەرىنە اينالدى. سوڭعى 10 جىلدا سالاداعى ءوندىرىس كولەمى 4 ەسە، ينۆەستيسيالار 2,5 ەسە، ەكسپورت كولەمى 3 ەسە دەرلىك ءوسىپ، 1,1 ميلليارد ا ق ش دوللارىن قۇرادى. 2018 -جىلدىڭ قورىتىندىسى بويىنشا جىلدىق ءوندىرىس كولەمى العاش رەت 1 تريلليون تەڭگە جانە سالا وڭدەۋ ونەركاسىبىنىڭ ءىرى سالاسى - مەتاللۋرگيامەن ءبىر قاتارعا تۇردى»، - دەدى مينيستر.

ونىڭ دەرەگىنشە، 2019 -جىلدىڭ قورىتىندىسى بويىنشا سالاداعى ءوندىرىس كولەمى 1 تريلليون 472 ميلليارد تەڭگە بولدى. ال 2020 -جىلدىڭ 8 ايىندا سالاداعى ءوندىرىس كولەمى 16,3 پايىزعا ءوستى. سالانىڭ 3 مىڭ كاسىپورنىندا شامامەن 123 مىڭ ادام ەڭبەك ەتەدى.

«مەملەكەت پەن بيزنەستىڭ بىرلەسكەن كۇش- جىگەرىنىڭ ارقاسىندا سالادا شامامەن 367 ميلليارد تەڭگە سوماعا 128 جوبا ءساتتى ۇزەگە اسىرىلىپ، 16 مىڭعا جۋىق جۇمىس ورنى قۇرىلدى. ەڭبەك ونىمدىلىگى 9,2 مىڭ دوللاردان 15,5 مىڭ دوللارعا دەيىن ءوستى. ەكسپورتقا شىعارىلاتىن ءونىم اتاۋى كەڭەيتىلدى. قازىر ءبىزدىڭ ماشينا جاساۋ كاسىپورىندارىمىز رەسەي، قىتاي، ازەربايجان، تاجىكستان، ب ا ءا، تۇرىكمەنستان سىندى ەلدەرگە ونىمدەرىن ەكسپورتقا شىعارادى. لوكوموتيۆتەر، جۇك جانە جولاۋشىلار ۆاگونى، تەمىر جول دوڭگەلەكتەرى مەن بىلىكتەر، اككۋمۋلياتورلاردىڭ جاڭا تۇرلەرى، سورعىشتار سىندى ماشينا جاساۋ ونىمدەرىنىڭ جاڭا تۇرلەرى شىعارىلا باستادى»، - دەدى بەيبىت اتامقۇلوۆ.