15:22, 17 - قىركۇيەك 2020 | GMT +6
كوروناۆيرۋس بالالاردان ەرەسەكتەرگە كوپ جۇعا بەرمەيدى - الماز شارمان
الماتى. قازاقپارات - الماتى وڭىرلىك كوممۋنيكاتسيالار قىزمەتى ۇيىمداستىرعان ونلاين سۇحبات بارىسىندا قازاقستان پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان بالالار اراسىندا ك ۆ ي ەرەكشەلىكتەرى تۋرالى ايتتى، دەپ حابارلايدى قازاقپارات ءتىلشىسى.
«5-12 جاس ارالىعىنداعى بالالار وزدەرى دە سيرەك اۋىرادى ءارى ەرەسەك ادامدارعا سيرەك جۇقتىرادى. وعان بىرنەشە سەبەپ بار. ستەنفورد ۋنيۆەرسيتەتىندەگى بەلگىلى پەدياتر ارىپتەسىم بىرنەشە سەبەبىن اتادى. ونىڭ ءبىرى - كروسس- رەاكسيا. بالالار ادەتتە ءجيى سۋىق ءتيىپ اۋىرادى. بۇعان كوروناۆيرۋس ينفەكسياسىنىڭ باسقا ءتۇرى قوزدىرعىش بولۋى ىقتيمال. سوندىقتان بۇل بالالاردىڭ يممۋندىق قورعانىشىنىڭ پايدا بولۋىنا اكەلەدى. سوندىقتان، ەرەسەكتەرگە قاراعاندا ولار نەعۇرلىم جاقسىراق قورعانعان. الايدا، بۇل بالالار مۇلدە اۋىرمايدى دەگەن ءسوز ەمەس. سوندىقتان، ماسكا تاعۋ، قاۋىپسىزدىكتى ساقتاۋ ءبىرىنشى كەزەكتە قولعا الىنۋى كەرەك»، - دەدى سپيكەر.
بۇعان دەيىن ساراپشى تۇماۋدان ۆاكسيناتسيانىڭ كوروناۆيرۋستى 20 پايىزعا جەڭىلدەتەتىن ايتقان بولاتىن.
اۆتور: گۇلميرا عوسمانالي