20:33, 17 - قىركۇيەك 2020 | GMT +6
الەم ەكونوميكاسىن قالپىنا كەلتىرۋ ءۇشىن بەس جىل كەرەك - دۇنيەجۇزىلىك بانك
نۇر- سۇلتان. قازاقپارات - كوروناۆيرۋس ىندەتى سالدارىنان بولعان داعدارىستان كەيىن الەم ەكونوميكاسىن قالپىنا كەلتىرۋگە بەس جىلعا دەيىن ۋاقىت قاجەت بولۋى مۇمكىن.
بۇل تۋرالى دۇنيەجۇزىلىك بانكتىڭ باس ەكونوميسى كارمەن رەينحارت مالىمدەدى، دەپ حابارلايدى قازاقپارات Reuters اگەنتتىگىنە سىلتەمە جاساپ.
«كارانتينگە بايلانىستى قويىلعان شەكتەۋلەر الىنعاننان كەيىن جەدەل قالپىنا كەلۋ پروتسەسى باستالادى، ءبىراق تولىق قالپىنا كەلتىرۋ ءۇشىن بەس جىلعا جۋىق ۋاقىت قاجەت بولادى»، - دەدى كارمەن رەينحارت.
سونداي- اق ماماننىڭ ايتۋىنشا، پاندەميادان تۋىنداعان داعدارىس كەي ەلدەردە ۇزاققا سوزىلىپ، تەڭسىزدىك ماسەلەسى ۋشىعىپ كەتۋى مۇمكىن. سەبەبى داعدارىستان باي ەلدەرگە قاراعاندا كەدەي ەلدەر كوبىرەك زارداپ شەگەدى. كارمەن رەينحارت 20 جىلدا العاش رەت داعدارىستان كەيىن الەمدەگى كەدەيلىك دەڭگەيىنىڭ ارتاتىنىن اتاپ ءوتتى.