قازاقستاندا قۇرىلىس باعاسى ارزاندايدى

بىرىنشىدەن - وبەكتىلەر قۇرىلىسىنىڭ قۇنىنا ليميتتەر بەلگىلەندى . وڭىرلەر بويىنشا بىردەي وبەكتىلەر قۇرىلىسىنىڭ قۇنى بىردەي بولۋى ءتيىس. ول ءۇشىن نورماتيۆتىك- تەحنيكالىق قۇجاتتارعا ءتيىستى وزگەرىستەر ەنگىزىلدى جانە بارلىق الەۋمەتتىك جانە ازاماتتىق- تۇرعىن ءۇي وبەكتىلەرىنىڭ قۇرىلىسىنا شەكتى قۇندى (ليميتتەردى) بەلگىلەۋ بويىنشا جول كارتاسى ازىرلەندى. ءليميتتى بەلگىلەۋ ىرىلەندىرىلگەن كورسەتكىشتەر نەگىزىندە، ولار بولماعان جاعدايدا - وتكىزىلگەن وبەكتىلەر نەگىزىندە جۇزەگە اسىرىلادى. قولدانىستاعى مەمساراپتاما رمك پورتالى بازاسىندا ءليميتتى ەسەپتەۋ تەتىگى اۆتوماتتاندىرىلدى.

ەكىنشىدەن، باعا قالىپتاستىرۋدىڭ ايقىندىعىن، اشىقتىعىن جانەانىقتىعىن قامتاماسىز ەتەتىن اقپاراتتىق جۇيە ازىرلەندى. باعالاۋدى قالىپتاستىرۋ تولىعىمەن ۆەدومستۆولىق ستاتيستيكا نەگىزىندە جۇزەگە اسىرىلاتىن بولادى.

ۇشىنشىدەن، زاڭناماعا ۇلگىلىك جوبالاردى مىندەتتى قولدانۋ، جوبالاردىڭ بىرىڭعايەلەكتروندىق بانكىن قۇرۋ، سونداي- اق كۆازيمەملەكەتتىك سەكتور قاراجاتى ەسەبىنەن ءبىرىنشى جاۋاپكەرشىلىك دەڭگەيىندەگى وبەكتىلەردىڭ ساراپتاماسىنمەملەكەتتىك ساراپتاماعا بەرۋ بولىگىندە وزگەرىستەر ەنگىزىلەدى. بۇل تۇزەتۋلەر بيزنەس- كليماتتى دامىتۋ ماسەلەلەرى بويىنشا زاڭ جوباسى اياسىندا ازىرلەنىپ، ق ر پارلامەنتى ماجىلىسىنە ەنگىزىلدى.

تورتىنشىدەن، جوبالاردى جوبالاۋمەن جانە ساراپتاۋمەن اينالىساتىن جەكە جانە زاڭدى تۇلعالارعا قويىلاتىن بىلىكتىلىك تالاپتارىن قاتاڭداتۋجوسپارلانۋدا. سمەتاشىلارعا قويىلاتىن بىلىكتىلىك تالاپتارىنىڭ تىزبەسىنە، ونىڭ ىشىندە بەيىندى ءبىلىمىنىڭ بولۋىنا تالداۋ جۇرگىزىلەدى. سمەتالىق قۇجاتتاما بويىنشا ساراپتامالىق جۇمىستاردى جەكە مامانداندىرۋعا ءبولۋ بويىنشا نقا جوباسى ازىرلەندى. ن ق ا جوباسى مەملەكەتتىك ورگانداردا كەلىسۋ ساتىسىندا تۇر.

بەسىنشىدەن، جامبىل، سولتۇستىك قازاقستان وبلىستارى مەن نۇر- سۇلتان قالاسىندا پيلوتتىق جوبالاردى ىسكە اسىرۋ جالعاسىپ جاتىر. بەكىتىلگەن جول كارتاسىنا سايكەس زاڭناماعا تۇزەتۋلەر ازىرلەندى جانە كەلىسىلۋ ۇستىندە. مەملەكەتتىك ساتىپ الۋدى جوسپارلاۋ، قارجىلاندىرۋ، وتكىزۋ جۇيەسى سالاسىنداعى تۇزەتۋلەردى اعىمداعى جىلدىڭ تامىزىنا قاراي بەكىتۋ جوسپارلانىپ جاتىر.

تۇزەتۋلەر ەنگىزۋ بويىنشا جاۋاپتىلار – ۇ ە م جانە ق م. قۇرىلىس سالاسىندا- قۇرىلىستىڭ باستاپقى قۇنىن انىقتاۋ ادىستەمەسى دايىندالدى. ءتيىستى وزگەرىستەر ەنگىزىلگەننەن كەيىن اكىمدىكتەر پيلوتتىق جوبالاردى ىسكە اسىرا باستايدى.

التىنشىدان، بيىلعى جىلى قۇرىلىس سالاسىنىڭ اشىقتىعىن جانەسيفرلاندىرىلۋىن تولىق قامتاماسىز ەتەتىن قۇرىلىس نورمالارىنتسيفرلاندىرۋ جانە تسيفرلىق مودەلدەۋ تەحنولوگيالارىن ەنگىزۋ بويىنشاجۇمىس باستالدى. 2020 -جىلى 36 نورماتيۆتىك- تەحنيكالىق قۇجات، 2021-2023 -جىلدارى - 195 قۇجات سيفرلاندىرىلادى. بولاشاقتا، ءىس جۇزىندە جوبالاۋ- سمەتالىق قۇجاتتاما قولدانىستاعى مەملەكەتتىك نورماتيۆتەردىڭ تالاپتارىنا اۆتوماتتاندىرىلعان رەجيمدە تەكسەرىلەتىن بولادى.

بۇل ساراپتاما جۇمىسىن اۆتوماتتاندىرۋعا مۇمكىندىك بەرىپ، جوبالاردىڭ ساپاسىنا جانە ولاردىڭ قۇنىن ەسەپتەۋگە وڭ اسەر ەتەدى. مەحانيزمدەر مەملەكەت باسشىسىنىڭ 24 - قاڭتارداعى ۇكىمەت وتىرىسىندا قۇرىلىس قۇنىن تومەندەتۋ ماسەلەسى بويىنشا بەرگەن تاپسىرمالارى شەڭبەرىندە ازىرلەندى.