قازاقتىڭ قايراتكەر ايەلدەرى تۋرالى ەنتسيكلوپەديا جارىق كوردى

None
None
الماتى. قازاقپارات - الماتىدا حالقىمىزدىڭ قايراتكەر ايەلدەرى تۋرالى ەنتسيكلوپەديا جارىق كوردى، دەپ حابارلايدى قازاقپارات ءتىلشىسى.

«ۇلتتىڭ ۇلاعاتتى ۇياسى» اتتى انىقتامالىق- تانىمدىق جيناق قازاق ۇلتتىق قىزدار پەداگوگيكالىق ۋنيۆەرسيتەتىنىڭ باستاماسىمەن شىقتى. كىتاپتا ەلىمىزدەگى پەداگوگ كادرلارىن دايارلايتىن ىرگەلى ورتالىقتىڭ ءبىرى - قىزدار ۋنيۆەرسيتەتىنىڭ ەلىمىزدىڭ عىلىم، ءبىلىم بەرۋ جانە مادەنيەت سالاسىندا ەلەۋلى ەڭبەك ەتىپ جۇرگەن تۇلەكتەرىنىڭ ازاماتتىق كەلبەتى، ولاردىڭ اتقارعان قىزمەتتەرى مەن يگىلىكتى ىستەرى كەڭىنەن باياندالعان. «جيناقتا وقۋ ورنىندا اتقارىلعان اۋقىمدى جۇمىستار مەن جەتىستىكتەر دە توپتاستىرىلعان. كىتاپ «تاريح. تانىم. تارازى»، «پاراسات مەكتەبى: بۇگىنى مەن بولاشاعى»، «تۇلعالار»، «عالىمدار»، «ۇستازدار» جانە «اقىن- جازۋشىلار، مادەنيەت سالاسىنىڭ قىزمەتكەرلەرى» اتتى بولىمدەردەن تۇرادى. ازاماتتىق كەلبەتتەرى وقىرمان نازارىنا ۇسىنىلعان تۇلەكتەردىڭ قاتارىندا كۇلاش قۇنانتايەۆا، ءشامشا بەركىمبايەۆا، ورازكۇل اسانعازى، اسىلى وسمان، اقۇشتاپ باقتىگەرەيەۆا سىندى مەملەكەت جانە قوعام قايراتكەرلەرى بار»، - دەپ اتاپ ءوتتى كىتاپتىڭ قۇراستىرۋشىسى ءارى باس رەداكتورى جاندار اسان.


سوڭعى جاڭالىقتار