قىتاي قازاقستانمەن دەنساۋلىق قاۋىمداستىعىن قۇرادى

None
None
نۇر-سۇلتان. قازاقپارات - قىتاي، رەسەي، قازاقستان، موڭعوليا جانە قىرعىزستان پاندەمياعا قارسى دەنساۋلىق قاۋىمداستىعىن بىرلەسىپ قۇرۋعا كەلىستى، - دەپ حابارلايدى Central Asia Media.

بۇل تۋرالى قىتاي مەملەكەتتىك كەڭەسىنىڭ مۇشەسى جانە سىرتقى ىستەر ءمينيسترى ۆاڭ ي شاڭحاي ىنتىماقتاستىق ۇيىمىنا (ش ى ۇ) مۇشە ەلدەردىڭ سىرتقى ىستەر مينيسترلەرىمەن كەزدەسۋدە مالىمدەدى.

شەشىم ءتورت ەلدىڭ سىرتقى ىستەر مينيسترلەرىمەن ۆيرۋسپەن كۇرەسۋ ءۇشىن پاندەمياعا قارسى ىنتىماقتاستىقتى نىعايتۋ تۋرالى پىكىر الماسقاننان كەيىن قابىلداندى.

ۆاڭ يدىڭ ايتۋىنشا، ەلدەر پاندەميا باستالعالى ءبىر-ءبىرىن ءتيىمدى قولداپ كەلەدى. ەندى مينيسترلەر ءتورت سالادا شارالار قابىلداۋعا كەلىستى.

بىرىنشىدەن، بەس ەل پاندەمياعا قارسى ىنتىماقتاستىقتى نىعايتادى، دۇنيەجۇزىلىك دەنساۋلىق ساقتاۋ ۇيىمى مەن ونىڭ ۇيلەستىرۋشى ءرولىن قولدايدى جانە پاندەميانى ساياساتتاندىرۋعا جانە ۆيرۋسقا گەوگرافيالىق بەلگى بەرۋگە باعىتتالعان كەز-كەلگەن ارەكەتكە قارسى بولادى.

ەكىنشىدەن، ولار پاندەمياعا قارسى جەتىستىكتەردى بىرىكتىرەدى جانە كەڭەيتەدى.

ۆاڭ ي قىتاي پاندەميامەن كۇرەسۋ ءۇشىن ماتەريالدار ساتىپ الۋ، مامانداردى وقىتۋ، تاجىريبە الماسۋ جانە ءدارى- دارمەكتەردى ازىرلەۋدەگى ىنتىماقتاستىق، سونداي-اق مۇددەلى تاراپتارمەن بايلانىس تەتىكتەرىن قۇرۋدى جەدەلدەتۋ سياقتى باسقا ەلدەرگە ءوز مۇمكىندىكتەرى شەگىندە كومەك كورسەتۋدى جالعاستىرۋعا دايىن ەكەنىن ايتتى.

ۇشىنشىدەن، ولار ۆاكسينانى ازىرلەۋ، ءوندىرۋ جانە ساتىپ الۋ سالاسىنداعى ىنتىماقتاستىقتى بەلسەندى تۇردە ىلگەرىلەتەدى.

تورتىنشىدەن، ولار ءداستۇرلى قىتاي مەديتسيناسىندا بىرلەسۋگە كۇش سالادى، ويتكەنى قىتاي حالىق دەنساۋلىعى ءۇشىن ءارتۇرلى ەلدەردىڭ قاجەتتىلىكتەرىن قاناعاتتاندىرۋ ماقساتىندا ءداستۇرلى قىتاي مەديتسيناسىن قولدانۋعا دايىن.


سوڭعى جاڭالىقتار