09:09, 26 - قازان 2020 | GMT +6
ەكىباستۇزدا ءورت سوندىرۋشىلەر شاعىن تراكتور قۇراستىردى
ەكىباستۇز. قازاقپارات - ەكىباستۇزدىق ءورت سوندىرۋشىلەر م ت-13 4x4 «تۇلپار» شاعىن تراكتورىن قۇراستىردى.
بۇل تۋرالى قازاقپارات پاۆلودار وبلىسى پوليتسيا دەپارتامەنتىنە سىلتەمە جاساپ حابارلايدى.
جوبانىڭ اۆتورى - ەكىباستۇز قالاسىنادعى 6№ ءورت ءسوندىرۋ ءبولىمنىڭ باستىعى، ازاماتتىق قورعاۋ پودپولكوۆنيگى سەرىك راسكەلدينوۆ.
جوبانى جۇزەگە اسىرىپ، ميني-تراكتوردى قۇراستىرعاندار 6- ءو س ب- ڭ ءورت ءسوندىرۋشىسى مۇحتار ادىلەت جانە وسى ءبولىمنىڭ جۇرگىزۋشى- قىزمەتكەرى مەيرامعاليەۆ تىلەك.
«بارلىق بولشەكتەردى مەتال بازاسىنان جيناقتاپ، كەيبىرىن قولدان دانەكەرلەپ جاسادى»، - دەيدى 6№ ءورت ءسوندىرۋ ءبولىمى باستىعىنىڭ ورىنباسارى دارحان قابىلتايەۆ.
- تراكتوردىڭ وتىرعىشىنا ەسكى كرەسلونى پايدالاندىق. شاعىن تراكتور ءورت ءسوندىرۋ ءبولىمىنىڭ اۋماعىن تازالاۋ جانە قار شىعارۋ جۇمىستارىنا پايدالانىلماق.