قۇلىندى كولىگىمەن تاسىعان استانالىق ۇستالدى

كولىكتە قۇلىندى تاسىپ كەلە جاتقان ءۇش ەر ادام وتىر.

«ادامدار، قاراڭدار. استانا قالاسى. كەز كەلگەن قالا اراسى، ءۇي جانۋارى، ەشقانداي جىلقى تاسىعىشسىز، گازەلسىز»، - دەيدى جۇرگىزۋشى.

نۇر-سۇلتان قالاسىنىڭ پوليتسيا دەپارتامەنتى تەكسەرىس بارىسىندا ۆيدەو اۆتورى ۇستالعانىن حابارلادى. ول - نۇر-سۇلتان قالاسىنىڭ 27 جاستاعى تۇرعىنى.

«ونىڭ ايتۋىنشا، قۇلىندى اقمولا وبلىسىنداعى اۋداننىڭ بىرىنەن ساتىپ العان. ول قۇلىندى تاسۋعا كەتەتىن اقشانى ۇنەمدەۋ ماقساتىندا ۆاز-2110 ماركالى كولىگىنىڭ سالونىندا تاسىپ، قىزىلسۋات اۋلىنا بارعان. جۇرگىزۋشىنىڭ سوزىنشە، ۆيدەونى وتباسىلىق چاتقا ازىلدەپ جىبەرگەن»، - دەيدى پوليتسيا وكىلدەرى.

اتالعان دەرەك بويىنشا، جۇرگىزۋشىگە قاتىستى اكىمشىلىك حاتتاما تولتىرىلعان. سونىمەن قاتار، ماتەريال نۇر-سۇلتان قالاسى بويىنشا ۆەتەريناريالىق باقىلاۋ جانە قاداعالاۋ كوميتەتىنىڭ اۋماقتىق ينسپەكتسياسىنا جىبەرىلدى.